Egg Salad (Mayonnaise)

தேவையான பொருட்கள்: 
வீட்டில் தயாரித்த Mayonnaise - 2 tbsp
வேக வைத்த முட்டை - 2
செலரி - 1 தண்டு
உப்பு - தேவையான அளவு
மிளகு தூள் - தேவையான அளவு

செய்முறை:
* வேகவைத்த முட்டையினை தோலுறித்து சிறிது சிறிதாக நறுக்கி (மஞ்சள் கருவும் சேர்த்து) ஒரு கிண்ணத்தில் போடவும்.
* இதில் செலரித்  தண்டினை பொடியாக நறுக்கிச் சேர்க்கவும்.
* இத்துடன் Mayonnaise சேர்த்து உப்பு,மிளகு தூள் தூவி பரிமாறவும்.

ரெசிபி & புகைப்படம்: மைதிலி தியாகு 

கேரட் சாலட்

தேவையான பொருட்கள்:
துருவிய கேரட் - 150 கிராம் ( ஒரு கப்)
எலுமிச்சை சாறு - ஒரு மேசை கரண்டி
கருப்பு அல்லது வெள்ளை மிளகு தூள் - அரை தேக்கரண்டி
உப்பு - சிறிது
ஒரிகானோ - இரண்டி சிட்டிக்கை
கொத்துமல்லி தழை - சிறிது பொடியாக நறுக்கியது
chives - இரண்டு சிட்டிக்கை.

செய்முறை:
* ஒரு பவுளில் துருவிய கேரட்டை சேர்த்து அதில் உப்பு மிளகு தூள் ஒரிகானோ, கொத்துமல்லி தழை எல்லாம் சேர்த்து கலந்து லெமன் சாறு chives தூவி சாப்பிடவும்.
* chives என்பது இங்கு அரபு நாடுகளில் சாலடின் மேலே தூவ பயன் படுத்து வார்கள். அது கிடைக்காதவர்கள் விட்டு விடலாம். ஒரிகனோ, கொத்துமல்லி தழை போது மானது.

இந்த அருமையான,ஆரோக்கியமான பேலியோ சமையல் குறிப்பினை வழங்கிய "ஜலீலாகமால்" அவர்களுக்கு நன்றி.

பேலியோ சாலட்

தேவையான பொருட்கள்:
சிறுதுண்டங்களாக நறுக்கிய அவகேடோ - 1
சிறுதுண்டங்களாக நறுக்கிய வெள்ளரிக்காய்   - 2 சிறியது
சிறுதுண்டங்களாக நறுக்கிய தக்காளி - 1
எலுமிச்சை சாறு - 1பழம்
ஹிமாலயா உப்பு - தேவையான அளவு
சீரகத்தூள் - சிறிதளவு
ஆலிவ் ஆயில் - 1 ஸ்பூன்

செய்முறை: 
* மேலே கூரிய அனைத்துத் தேவையான பொருட்களையும் சேர்த்து ஒன்றாகக் கலந்து உப்பு,சீரகத்தூள் தூவி, ஆலிவ் ஆயில் சேர்த்து பரிமாறவும்.

இந்த ஆரோக்கியமான சமையல் குறிப்பினை வழங்கிய "Subash V Momaya" அவர்களுக்கு நன்றி :)