மஞ்சள் பூசனி பாலக் தில் கீரை சூப்

தேவையான பொருட்கள்:
மஞ்சள் பூசனி துருவியது 4 மேசைகரண்டி
பாலக் பொடியாக அரிந்த்து – 2 மேசைகரண்டி
தில் கீரை பொடியாக அரிந்தது – 2 மேசைகரண்டி
வெங்காயம் – இரண்டு மேசைகரண்டி
பூண்டு – ஒரு பெரிய பல்
வெள்ளை மிளகு தூள் – அரை தேக்கரண்டி
உப்பு – அரை தேக்கரண்டி ( தேவைக்கு)
பச்சமிளகாய் -1 பொடியாக நருக்கியது
தண்ணீர் – இரண்டரை கப்
பட்டர் – 10 கிராம்

செய்முறை:
* வாயகன்ற சட்டியில் தண்ணீரை கொதிக்கவிடவும்.
* நன்கு கொதிக்க ஆரம்பித்ததும் வெங்காயம், பூண்டு, மஞ்சள் பூசனி, பாலக் , தில் கீரையை சேர்த்து நன்கு கொதிக்கவிடவும்.
* தண்ணீர் அரை கப் அளவிற்கு வற்றட்டும். பிறகு வெள்ளை மிளகு தூள், உப்பு சேர்த்து 1 நிமிடம் கொதிக்கவிட்டு பிளன்டரில் லேசாக ஒரு திருப்பு திருப்பவும். பிறகு சூடான சூப்பில் பட்டரை சேர்த்து பருகவும்.
குறிப்பு: தில் கீரை என்பது அரபுநாடுகளில் அரபிக் சாலடில் பயன்படுத்துவார்கள், இதில் ஓமம் வாசனை அடிக்கும். சூப்பில் சேர்க்கும் போது சுவை அருமையாக இருக்கும்
இந்தியாவில் இந்த கீரை கிடைக்குமான்னு தெரியவில்லை, கிடைக்காதவர்கள் வல்லாரை, மண்தககளி, பொன்னாகன்னி கீரை இது போல் ஏதாவது இருவகைகீரைகளை சேர்த்து கொண்டு சிறிது வறுத்து திரித்த ஓமம் பொடியை சேர்த்து கொள்ளுங்கள்.

இந்த சுவையான, ஆரோக்கியமான பேலியோ சமையல் குறிப்பினை வழங்கிய "ஜலீலா கமால்" அவர்களுக்கு நன்றி. 

தக்காளி பேசில் காலிபிளவர் சூப்

தேவையான பொருட்கள்: 
தக்காளி - 4 பழுத்த பழம்
காலிபிளவர் - 1/4 பூ
வெங்காயம்  - 1/2
பேசில் - 1/2 கப்
தேங்காய் பால் - 1 கப்
பச்சை மிளகாய் - 2
பூண்டு  - 3 பல் தட்டியது
வெண்ணெய் - 1 டேபிள் ஸ்பூன்

செய்முறை: 
* ஒரு கடாயில் நறுக்கிய வெங்காயம் சேர்த்து 1 நிமிடம் வதக்கி பின் வெண்ணெய் சேர்க்கவும்.
* இத்துடன் தட்டிய பூண்டு பற்கள்,பச்சை மிளகாய் சேர்த்து சிறுது வதக்கவும்.
* இப்பொழுது நறுக்கிய தக்காளி பழம் சேர்த்து, உப்பு தூவி 3 நிமிடங்கள் வதக்கவும்.
* இதில் நறுக்கிய காலிபிளவர் சேர்த்து வதக்கி  2 கப் தண்ணீர் சேர்த்து மூடிவைத்து வேக வைக்கவும்.
* இந்த தக்காளி,காலிபிளவர் கலவை பாதி வெந்ததும் பேசில் இலைகளை சேர்க்கவும் (சிறிது தனியாக எடுத்துவைக்கவும்).
* நன்கு கொதிவந்ததும் தேங்காய் பால்  சேர்த்து சிறு தீயில் 5 நிமிடங்கள் வைக்கவும்.
* இந்த சூப்பினை அடுப்பில் இருந்து எடுத்து, hand mixer ல் சூப் பதத்திற்கு அடிக்கவும்.
* சிறிது தனியாக எடுத்து வைத்த பேசில் இலைகளைத்துத்  தூவி விடவும்.
* சுவையான தக்காளி பேசில் காலிபிளவர் சூப் ரெடி.

இந்த சுவையான, ஆரோக்கியமான சமையல் குறிப்பினை வழங்கிய "Kavitha Sundar"அவர்களுக்கு நன்றி.

புகைப்படம்: மைதிலி தியாகு

கிளியர் முருங்க்கக்காய் சூப்

சிம்பிள் அன்ட் ஈசி சூப்.

தேவையான பொருட்கள்:
முருங்க்க்காய் – 2 இன்ச் சைஸ் 6 துண்டுகள்
பெப்பர் பவுடர் – கால் தேக்கரண்டி
உப்பு தேவைக்கு
பூண்டு – 1 பல் பொடியாக அரிந்த்து.
வெங்காயம் ஒன்று – பொடியாக அரிந்த்து
பட்டர் – 1 தேக்கரண்டி

செய்முறை:
முருங்கக்காயை கழுவி அதில் மிளகு தூள், உப்பு தூள், பூண்டு, வெங்காயம்.
இரண்டு கப் தண்ணீர் ஊற்றி குக்கரில் வேகவைக்கவும் .
நன்கு மசிய வெந்த்தும் அதை நன்கு கரண்டியால் மசித்து குச்சிகளை அகற்றி வடிக்கட்டவும்.
சத்தான சூப் குழந்தைகளுக்கு, டயட்டில் இருப்பவரக்ளுக்கு ,வயதானவர்களுகு மற்றும் நோயாளிகளுக்கு இந்த கிளியர் சூப்பை செய்து கொடுக்கலாம்.
இது ஏற்கனவே நான் செய்து சாப்பிட்ட சூப், இப்போது பேலியோ டயட்டுக்கும் உகந்த்தாக இருக்கிறது. இந்த சூப்புடன் எக் புல்ஸ் ஐ சேர்த்து காலை உணவாக அல்லது இரவு பேலியோ உணவாக சாப்பிடலாம்.

இந்த சுவையான, ஆரோக்கியமான பேலியோ சமையல் குறிப்பினை வழங்கிய "ஜலீலாகமால்" அவர்களுக்கு நன்றி.

முருங்கைக்கீரை சூப்

தேவையான பொருட்கள்:
முருங்கக்கீரை - 1 கைப்பிடி
பூண்டு - 5-8 பல்
வெங்காயம் - 1/2
தக்காளி  - 2 பழுத்த பழம்
பச்சை மிளகாய் - 2
பட்டை - 1இஞ்ச்
கிராம்பு  - 2
வெண்ணெய்/நெய்

அரைக்கத்  தேவையாவை: 
சீரகம்
மிளகு
சோம்பு
கறிவேப்பிலை
காய்ந்த மிளகாய்


செய்முறை:

* ஒரு குக்கரில் வெண்ணெய்/நெய் சேர்த்து காயவைக்கவும். இதில் பட்டை,கிராம்பு தாளித்து, வெங்காயம்,பச்சை மிளகாய்,பூண்டு,இஞ்சி சேர்த்து வதக்கி, பின்பு கீரை சேர்த்து வதக்கவும்.

* இதில் அரைத்த விழுது, தக்காளி, தண்ணீர் சேர்த்து 2 விசில் விட்டு இறக்கி பரிமாறவும்.


இந்த சுவையான, ஆரோக்கியமான சமையல் குறிப்பினை வழங்கிய "Kavitha Sundhar" அவர்களுக்கு நன்றி.
புகைப்படம்: Mythili Thiyagu

காளான் சூப்

செய்முறை:

தேவையான அளவு காளானை வெட்டி கழுவிக்கொள்ளுங்க.நான் ஒரு பாக்கெட் இரண்டு நாளைக்கு வச்சிக்குவேன். ஒரு பாத்திரத்தில் நெய் ஊற்றி பட்டையை போட்டு லேசாக வதக்கணும். அப்புறம் கழுவிய காளான் துண்டுகளை வதக்கணும். இரண்டு தம்பளர் தண்ணீர் ஊற்றி உப்பு போட்டு காளானை வேக விடணும்.வெந்தவுடன் பெப்பர் தூள், கொத்தமல்லி இலை போட்டால் காளான் சூப்பு ரெடி...

இந்த சுவையான சமையல் குறிப்பினை வழங்கிய "Kirouchenasamy Ponnusundaram" அவர்களுக்கு நன்றி :)

வாழைத்தண்டு சூப்

தேவையான பொருட்கள்:

வாழைத்தண்டு - அரை கப்

இஞ்சி - சிறிது

எலுமிச்சம் பழச்சாறு - தேவைக்கு

மிளகு - ஒரு மேசைக்கரண்டி

சின்ன வெங்காயம் - 5

சீரகம் - ஒரு மேசைக்கரண்டி

எண்ணெய் - ஒரு மேசைக்கரண்டி

உப்பு - தேவைக்கு

செய்முறை:

* வாழைத்தண்டை சிறு துண்டுகளாக நறுக்கி அதனுடன் இஞ்சி, எலுமிச்சம் பழச்சாறு, மிளகு, சின்ன வெங்காயம், சீரகம், உப்பு தேவைக்கு கலந்து நீர்விட்டு கொதிக்க வைத்து பிறகு சிறிது எண்ணெய் விட்டு தாளித்து சூப் போல் செய்து அருந்தலம்.

குறிப்பு:

வாழைத்தண்டு சாறு நரம்பு மண்டலத்தைத் தூண்டி சுறுசுறுப்பு அடையச் செய்யும்.

வயது முதிர்ந்த ஆண் பெண் இருபாலருக்கும் மூட்டு வீக்கம், மூட்டு வலி வந்து கை கால்கள் வீங்கி இருந்தால் வாழைத்தண்டு சாறு மிகுந்த பயனளிக்கும்.

வாழைத் தண்டில் கால்சியம், பாஸ்பரஸ், இரும்பு, ஆகிய தாதுப் பொருட்கள், வைட்டமின் பி,சி ஆகியவை உள்ளன. சிறுநீர்ப் பாதையில் ஏற்படும் கல் அடைப்பைக் கரைக்கும். பித்தத்தைக் குறைக்கும்.

இந்த ஆரோக்கியமான சமையல் குறிப்பினை வழங்கிய "Vijayapriya Panneerselvam" அவர்களுக்கு நன்றி :)

தக்காளி சூப்

தேவையான பொருட்கள்:
வெங்காயம்
தக்காளி
வெள்ளரிக்காய்
தேங்காய் எண்ணெய்
உப்பு

செய்முறை:
* தக்காளி,வெங்காயம்,வெள்ளரிக்காய்,உப்பு இவைகளை தேங்காய் எண்ணெய் மற்றும் தண்ணீர் சேர்த்து வேகவைத்து அரைக்கவும்.
* தக்காளி சூப் ரெடி.

இந்த சுலபமான,சுவையான சமையல் குறிப்பினை வழங்கிய "Tharshini jeeva" அவர்களுக்கு நன்றி :)

குயிக்பிக்ஸ் பேலியோ கருவேப்பிலை சூப்

தேவையான பொருட்கள்:

கருவேப்பிலை - ஒரு கைப்பிடி

பாதாம் பவுடர்  - 2 டேபிள்ஸ்பூன்

பூண்டு பவுடர் - 1/2 டீஸ்பூன்

ஜிஞ்சர் பவுடர் - 1/2 டீஸ்பூன்

இந்துப்பு - தேவையான அளவு 

தேங்காய்பால்  - 1 கப் 

தேவையான அளவு  பட்டர் அல்லது அரை ஸ்பூன் நெய்

செய்முறை:

ஒரு கைப்பிடி கருவேப்பிலையை மிக்சியில் தண்ணீர் சேர்த்து அடித்து 250 ml ஜீஸ் எடுத்துக்கொள்ளவும். அதில் 2 டேபிள்ஸ்பூன் பாதாம் பவுடருடன் அரை டீஸ்பூன் பூண்டு பவுடர், அரை டீஸ்பூன் ஜிஞ்சர் பவுடர், தேவையான இந்துப்பு சேரத்து கட்டியில்லாமல் கலக்கவும். அடுப்பில் வைத்து சூடாக்கும் பொழுது கட்டி விழாமல் கிளறிக்கொண்டே இருக்கவும். 3 நிமிடங்களுக்கு பிறகு கடைசியில் 1 கப் தேங்காய்பால் சேர்த்து சூடானவுடன் தேவையான பட்டர் அல்லது அரை ஸ்பூன் நெய் சேர்த்துக்கொள்ளவும். சாப்பிடும் பொழுது மிளகு பொடி தேவையென்றால் பாதி லெமன் பிழிந்துகொள்ளவும். ஸ்பைசியாக வேண்டுமென்றால் சிறிதளவு மஞ்சள் பொடியும், ஜீரகப்பொடியும் சேரத்துக்கொள்ளலாம்.

பாதாம் பவுடரை தவிர்ப்பது நல்லது. இதற்க்கு பதிலாக பாதாம் பால் சேர்த்துக்கொள்வது நல்லது.

இந்த சுவையான சமையல் குறிப்பினை வழங்கிய "Abdul Farook" அவர்களுக்கு நன்றி :)

இஞ்சி டீ

ஆர்த்ரைட்டிஸ், மூட்டுவலி, சளி, காய்ச்சல் மற்றும் குளிர்காலத்தில் பருக இதமான இஞ்சி டீ

மிக எளிதில் இஞ்சி டீயை செய்யலாம்.

1 நீளமான இஞ்சி வேரை வெட்டி எடுத்து கிரேட் செய்யுங்கள்
4 கோப்பை நீரை எடுத்து கொதிக்கவிடவும்.

கொதிநிலைக்கு வந்ததும் இஞ்சியை அதில் போட்டு, ஒரு பட்டையை (cinnamon) எடுத்து போடவும்

மூடியை போட்டு பாத்திரத்தை மூடி அடுப்பை ஸிம்மரில் வைத்து, 15- 20 நிமிடம் மிக மித வெப்பத்தில் விடவும்.

15- 20 நிமிடம் கழித்து வடிகட்டி டீயை சூடாக ஒரு கோப்பை அருந்தவும். மீதியை ப்ரிட்ஜில் வைத்து தேவைபடுகையில் குளிர்பானமாக அல்லது சூடு செய்து பருகலாம்

வெறும் வயிற்றில் குடிக்க வேண்டாம்.

தேன், சர்க்கரை எதுவும் அவசியமில்லை.

இந்த சுவையான,ஆரோக்கியமான பானத்தை வழங்கிய "Neander Selvan" அவர்களுக்கு நன்றி :)

இஞ்சி டீ 2:

நான் செய்யும் முறை, இஞ்சியை தோல் நீக்கி slow ஜூஸரில் (மிக்ஸியில் அல்ல) ஜீஸாக்கி வைத்தால், அதன் கசடு கீழே தங்கிவிடும். பின்பு ஐஸ்ட்ரேயில் வைத்து ஐஸ் குயூப்களாக்கி ஜிப்லாக்கில் சேமித்து வைத்துக் கொண்டால் தேவைப்படும் போது எடுத்துக்கொள்ளலாம். இஞ்சி ஜூஸ் வெளியே அல்லது டீப்பிரீஸரில் இல்லாமல் பிரிட்ஜில் வைத்தாலும் கெட்டுவிடும்.

இந்த முறையில் சுவையான,ஆரோக்கியமான மற்றும் பானத்தை கெடாமல் பாதுகாக்கும் வழிமுறையை வழங்கிய "Abdul Farook" அவர்களுக்கும் நன்றி :)

ப்ரோக்கோலி சூப்

தேவையான பொருட்கள்:

ப்ரோக்கோலி

சீஸ்

வெங்காயம் -1

பூண்டு - 2 பல்

இஞ்சி -1 துண்டு

பச்சை மிளகாய்

மல்லி இலை

பெருங்காயத் தூள்

மஞ்சள் தூள்

உப்பு

வெண்ணெய்

கடுகு

சீரகம்

உளுத்தம்பருப்பு

மிளகாய் வற்றல்

செய்முறை:

    

* வெங்காயத்தை இரண்டாக வெட்டி ஒரு பாதியை பொடியாக நறுக்கிக் கொள்ளவும். அடுத்த பாதியை துண்டுகளாக நறுக்கி கொள்ளவும். 

* பூண்டை சிதைத்துக் கொள்ளவும். இஞ்சியைப் பொடியாக நறுக்கிக் கொள்ளவும். 

* மிதமான சூட்டில் வாணலியில் இரண்டு டேபிள்ஸ்பூன் வெண்ணெய் போட்டு, அதில் வெங்காயம், பூண்டு, பச்சை மிளகாய், பாதி இஞ்சி சேர்த்து நன்கு வதக்கவும். உப்பு, மஞ்சள் தூள் சேர்க்கவும்.

* வெங்காயம் நன்கு வதங்கியதும் ப்ரோக்கோலி சேர்த்து அடுப்பை அணைக்கவும்.

* நன்கு ஆறியதும், ப்ளண்டரில்  ஒன்று இரண்டாக அரைத்துக் கொள்ளவும். 

* அடுப்பில் மிதமான தீயில் வாணலியில் இரண்டு டேபிள்ஸ்பூன் வெண்ணெய் சேர்த்து கடுகு, சீரகம், உளுத்தம்பருப்பு, மிளகாய்வற்றல், காயத்தூள் சேர்க்கவும்.

* கடுகு வெடித்ததும் பொடியாக நறுக்கிய வெங்காயம், சிதைத்த பூண்டு, இஞ்சித் துண்டுகள் சேர்த்து  வதக்கவும். உப்பு, மஞ்சள் தூள் சேர்க்கவும். 

* வெங்காயம் நன்கு வதங்கியதும் ப்ளண்டரில் உள்ள கலவையைச் சேர்த்து 5-7 நிமிடங்கள் குறைந்த தீயில் சூடாக்கவும். 

* மல்லிதைழை சேர்த்து சூடாகப் பரிமாறவும்.

நமக்காக இந்த சமையல் குறிப்பினை வழங்கிய "Rishi Raveendran" அவர்களுக்கு நன்றி :)

குறிப்பு: இந்த சமையல் குறிப்பினை தமிழாக்கம் செய்து கொடுத்த "Shanthi Pettai" அவர்களுக்கு நன்றி :)