எக் க்ரேவி :

தேவையான பொருட்கள் :

முட்டை 3 , சோம்பு , கிராம்பு ,
பச்சை மிளகாய் 1, காய்ந்த மிளகாய் -4,
இஞ்சி , பூண்டு சிறிதளவு ,
வெங்காயம் -1, தக்காளி -1, தேங்காய் 2 துண்டுகள் துருவியது

செய்முறை :
* முட்டைகளை வேக வைக்கவும் . வாணொலியில் நெய் ஊற்றி , மேலே குறிப்பிட்ட பொருட்களை ஒன்றன்பின் ஒன்றாக வதக்கி , பின் விழுதாக அரைத்துக் கொள்ளவும். அரைத்த விழுதை வாணொலியில் சிறிது நெய் விட்டு வதக்கி , நன்கு கொதித்த பின் வேக வைத்த முட்டைகளை பாதியாக வெட்டி , அதில் போட்டு இரண்டு நிமிடங்கள் கழித்து இறக்கவும் . சிறிது கொத்தமல்லி தூவி பரிமாறவும் .

இந்த சுவையான பேலியோ சமையல் குறிப்பினை வழங்கிய "Subha Rajesh"அவர்களுக்கு நன்றி.

எக் கபாப்

தேவையான பொருட்கள்:
முட்டை - 4
ஆச்சி கபாப் மசாலா - 2 தேக்கரண்டி
மிளகாய் தூள் - 1 தேக்கரண்டி
உப்பு - அரை தேக்கரண்டி
தயிர் - ஒரு மேசைகரண்டி
ஆலிவ் ஆயில் (அ) தேங்காய் எண்ணை (அ) நெய் முன்ற தேக்க்ரன்டி

செய்முறை:
* முட்டையை அவித்து இரண்டாக வெட்டி வைக்கவும்.
* தயிரில் சிறிது தண்ணீர் மசாலா வகைகள் அனைத்தையும் சேர்த்து கலந்து வெட்ட்டி வைத்த முட்டையின் இருபுறமும் தடவி வைக்க்க்வும்.
* தவ்வாவில் எண்ணை சூடாக்கி மசாலா தடவிய முட்டையை போட்டு இரண்டு புறமும் நன்கு மசாலா முட்டையில் ஏறும் வரை கருகாமல் பொரித்து எடுக்கவும்.

கவனிக்க: சில நேரம் முட்டையை போட்டதும் வெடிக்க ஆரம்பிக்கவும். ஆகையால் பொரிய விடும் போது முடி போட்டு கொள்ளவும்.

இந்த சுவையான, ஆரோக்கியமான பேலியோ சமையல் குறிப்பினை வழங்கிய "Jaleela Kamal" அவர்களுக்கு நன்றி.

பேலீயோ Egg Wrap

தேவையான பொருட்கள்:
வெண்ணை- 2 டேபிள் ஸ்பூன்
குடை மிளகாய் - 1 பெரியது
வெங்காயம் - 2
காரட்-2
முட்டை- 4
துருவிய சீஸ்- 1/2 கப்
கரம் மசாலா- 1 ஸ்பூன்
சாட் மசாலா - 1/2 ஸ்பூன்
olive - 10
மிளகு தூள்- தேவைக்கு ஏற்ப
உப்பு- தேவைக்கு ஏற்ப

செய்முறை:
* ஒரு வாணலியில் வெண்ணை விட்டு, வெங்காயம் வதக்கி கொள்ளவும்.
* பின்பு காரட், குடை மிளகாய் இரண்டையும் சேர்த்து வதக்கி தேவையான கரம் மசாலா,சாட் மசாலா, உப்பு சேர்த்து கொள்ளவும்.
* காய் வதங்கியதும் ஆலிவ் மற்றும் சீஸ் தூவி கொள்ளவும்.
* ஒரு தோசை கல்லில் இரண்டு முட்டை உடைத்து, மிளகு தூள் தூவி ஆம்லேட் போட்டு கொள்ளவும்.
* ஆம்லேட்ஐ ஒரு தட்டில் வைத்து , வதக்கி வைத்துள்ள காய்கறி கலவையை அதற்குள் வைத்து உருட்டி வைக்கவும்.

சுவையான Egg wrap தயார்..தொட்டு கொள்ள கார சட்னி / சில்லி sauce வைத்து கொள்ளலாம்.

இந்த சுவையான, புதுமையான பேலியோ சமையல் குறிப்பினை வழங்கிய "Vidhya Lakshmi" அவர்களுக்கு நன்றி.

தில் கீரை பாலக் முட்டை தோசை

தேவையான பொருட்கள்:
முட்டை – 3
வெங்காயம் – பொடியாக அரிந்தது – 2 மேசைகரண்டி
பச்சமிளகாய் – ஒன்று பொடியாக அரிந்தது
முவர்ண குடமிளகாய் – ஒரு மேசைகரண்டி பொடியாக அரிந்தது
தில் கீரை – இரண்டு மேசைகரண்டி பொடியாக அரிந்தது
பாலக் கீரை – இரண்டு மேசைகரண்டி பொடியாக அரிந்தது
உப்பு – அரை தேக்கரண்டி ( தேவைக்கு)
கருப்பு மிளகு தூள் – அரை தேக்கரண்டி
கார்லிக் பட்டர் – ஒரு மேசைகரண்டி (தேவைக்கு)

செய்முறை:
* முட்டையை நன்கு நுரை பொங்க அடித்து அதில் மேலே கூறப்பட்டுள்ள அனைத்து பொருகளையும் நன்கு முட்டையில் சேர்த்து கலக்கவும்.
* தவ்வாவில் பட்டரை சூடு படுத்தி அதில் ஒரு தோசையாக வோ அல்லது இரண்டு தோசையாக வோ கலக்கிய முட்டையை கருகாமல் பொரித்து எடுக்கவும்.

கவனிக்க
* இதில் தில் கீரைகிடைக்காதவர்கள் , முடக்கத்தான் கீரை அல்லது வல்லாரை கீரையை சேர்த்து கொள்ளுங்கள்.
* கார்லிக் பட்டர் கிடைக்காதவர்கள் பேலியோ எண்ணை , நெய், பட்டர், ஆலிவ் ஆயில் ஏதாவது பயன்படுத்திகொள்ளுங்கள்.

இந்த சுவையான, புதுமையான பேலியோ சமையல் குறிப்பினை வழங்கிய "ஜலீலா கமால்" அவர்களுக்கு நன்றி. 

முட்டை பீசா

தேவையான பொருட்கள்:
5 முட்டைகள்
சிறிது வெங்காயம் (வில்லையாக அரிந்தது)
சிறிது குடைமிளகாய் (நீளவாக்கில் அரிந்தது)
அரை வட்டமாக அறிந்த தக்காளித் துண்டுகள்
வட்டமாய் அரிந்த மிளகாய்த் துண்டுகள்
நெய்/தே. எண்ணெய்/இறைச்சிநெய் வாணலியில் ஒட்டாமல் வருமளவுக்கு
உப்பு, மிளகுத் தூள் சுவைக்கு வேண்டிய மட்டும்
சிறிது ஒலிவ எண்ணெய்
கொஞ்சம் சீஸ் துருவல்

 செய்முறை:
* முட்டைகளை உடைத்து நன்கு கலக்கி ஒரு பக்கம் வைத்துவிடவும். வாணலி விளிம்பு உயரமாக உள்ள வாணலி என்றால் முட்டை நன்கு மொத்தமாக வரும். 

* இளந்தீயில் வாணலியில் நெய் விட்டுப் பரப்பி முட்டையை நடுவில் ஊற்றவும். ஒரே மட்டமாகப் பரவும். முட்டையின் மேற்பரப்பு நீர்மமாக இருக்கையிலேயே எல்லாக் காய்களையும் அதில் பரவலாகப் போடவும். உப்பு மிளகுத் தூள் தூவி இப்போது வாணலியை மூடி போட்டு சிறிது நேரம் வேக விட்டுத் திறக்கவும். சிறிது நேரம் என்பது 60 முதல் 90 வினாடிகள் வரை.நெடு நேரம் விட்டால் உப்பிவிடும். 

* முட்டையின் மேற்பரப்பு வெந்து இறுகிவிட்டது தெரிந்ததும் சீஸ் துருவலைப் பரவலாகத் தூவவும். மீண்டும் மூடி வைத்து சீஸ் உருகும் வரை காத்திருக்கவும். 

* இப்போது தட்டில் எடுத்து மேலே கொஞ்சம் ஒலிவ எண்ணெய் பரவலாக ஊற்றிக் கீற்று போட்டு சூடு ஆறுவதற்குள் விண்டு விண்டு மென்று விழுங்க வேண்டியது தான். கோழிக் கால் தொட்டுக் கொள்வதற்கு.

இந்த சுவையான  மற்றும் ஆரோக்கியமான பேலியோ சமையல் குறிப்பினை வழங்கிய"விஜய் கோபால்சாமி" அவர்களுக்கு நன்றி. 

Bulls Eye and Paleo Veg Kanji/ புல்ஸ் ஐ /ஆஃப் பாயில்

செய்முறை:
பேலியோ டயட்டில் முட்டைக்கு தான் முதலிடம் அதை முதல் முதல் எல்லாருமே அவித்து அல்லது புல்ஸ் ஐ போட்டு சாப்பிடுவது எல்லாருக்குமே தெரியும்.

அதுவும் முறையாக பதமாக செய்தால் இன்னும் சுவை கூடும், சப்பிடும் போது மஞ்சள் கரு உடைந்து வேஸ்ட் ஆகாது.முதலில் புல்ஸ் ஐ யை பார்ப்போம்.

தேங்காய் எண்ணை அல்லது நெய் விட்டு தவ்வா சூடு வந்ததும்
முட்டையை தேவைக்கு கலங்காமல் முழுசாக ஒன்றாகவோ, இரண்டாகவோ, மூன்றாகவோ அல்லது நான்காகவோ ஊற்றி விட்டு தீயின் தனலை சற்று குறைவாக வைத்து 2 நிமிடம் வேகவிடுங்கள்.
அடுத்து லேசாக தட்டிய மிளகில் உப்பு கலந்து தூவி விட்டு ஒரு முடி போட்டு 1 நிமிடம் வைத்து அடுப்பை ஆஃப் செய்யவும்.
இப்ப எடுத்தால் மஞ்சள் கரு உடையாமல் வெந்தும் வேகமாலும் அரை பதமாக வெந்து சாப்பிட இலகுவாக இருக்கும்.

குறிப்பு: இதில் இருக்கும் கஞ்சி வெள்ளை வாயு கஞ்சி அரிசியில் செய்வதை பேலியோ காய்களில் செய்துள்ளேன்.

இந்த சுவையான, ஆரோக்கியமான பேலியோ சமையல் குறிப்பினை வழங்கிய Chef"ஜலீலாகமால்"அவர்களுக்கு நன்றி.

பாயில்ட் எக் சாலட்

தேவையான பொருட்கள்:
கீரை - ஒரு கைப்பிடி
லெட்டியுஸ் இலை - ஒரு கைப்பிடி
கேரட், குகும்பர்,தக்காளி - இரண்டு மேசை கரண்டி பொடியாக அரிந்தது
முட்டை கோஸ் - ஒரு மேசைகரண்டி

ட்ரெஸ்ஸிங்:
சால்ட்
வொயிட் பெப்பர் -அரைதேக்கதண்டி
ஒரிகானோ - கால் தேக்கரண்டி
ரோஸ் மேரி - கால் தேக்கரண்டி
லெமன் ஜுஸ் - ஒரு மேசை கரண்டி
ஆலிவ் ஆயில் - ஒரு மேசை கரண்டி

செய்முறை:
* லெட்டியுஸை பொடியாக நீளவாக்கில் அரிந்து கொள்ளவும்.
* ஒரு பவுளில் ட்ரெஸ்சிங்ன்செய்ய வேண்டிய பொருட்களை நன்கு மிக்ஸ் செய்து அனைத்து காய் கிரை    வகைகளை சேர்த்து கலக்கி பிரிட்ஜில் குளிர வைத்து சாப்பிடவும்.
* மேலே சிறிது நட்ஸ் வகைகளை கட் செய்து தூவி கொள்ளவும்.
அவித்த முட்டையுடன் பேலியோ மீல் ரெடி.

இந்த புதுமையான, சுவையான பேலியோ சமையல் குறிப்பினை வழங்கிய "ஜலீலாகமால்" அவர்களுக்கு நன்றி. 

Broccoli Casserole

தேவையான பொருட்கள்: 
 Broccoli - 2 cups

வெள்ளை காளான் - 1 கப்
வெள்ளை வெங்காயம் - 1 (நீள் வாக்கில் நறுக்கவும்)
பூண்டு - 2 பல் 

முட்டை - 4 

பேகன்  - 5  (option)
Dried Thyme - 1 teaspoon

தேங்காய் பால் - 1 கப்
வெண்ணெய்  - 1 டேபிள் ஸ்பூன்
துருவிய சீஸ் - 1 டேபிள் ஸ்பூன்
தேங்காய் எண்ணெய் -  1 டேபிள் ஸ்பூன்

உப்பு - தேவையான அளவு 

மிளகுத்தூள்  - தேவையான அளவு 

செய்முறை: 

* முட்டையுடன் தேங்காய் பால், உப்பு,மிளகுத்தூள் சேர்த்து நன்கு அடித்து வைத்துக்கொள்ளவும்.
* ஒரு பாத்திரத்தில் Broccoli யை வேகவைத்து எடுத்து விரும்பும் அளவில் நறுக்கி வைக்கவும்.

* ஒரு வாயகன்ற பாத்திரத்தில் (Pan) தேங்காய் எண்ணெய் காய வைத்து நறுக்கிய வெங்காயம்,               பூண்டினை வதக்கவும். வெங்காயம் ஓரளவு வதங்கியதும் காளானை சேர்த்து வதக்கவும்.
* இதில் உப்பு, மிளகு தூள் சேர்த்து வதக்கவும். இதில் வகவைத்து நறுக்கிய Broccoli சேர்க்கவும். 

* இகலவையை பேக்கிங் பாத்திரத்திற்கு மாற்றி ஆறவிடவும். இத்துடன் அந்த அடித்த வைத்த முட்டைக்    கலவையினைச் சேர்த்து நன்கு கலக்கவும்.
* இப்பொழுது  ரொம்ப கவனமாக எல்லா இடங்களிலும் சீராகப் பரவும் படி செய்யவும்.
* இதில் துருவிய சீஸினை மேலே தூவிவிடவும்.

* இக்கலவையை பேக்கிங் பாத்திரத்தில் ஊற்றி, Pre heat செய்யப்பட்ட 350 டிகிரி F ல் 30-40      நிமிடங்கள் வேகவைத்து எடுக்கவும். 

குறிப்பு: விரும்பினால் சிறிது பால் சேர்க்கலாம்.

Recipe & Photo: மைதிலி தியாகு 

எக் ரோல்

செய்முறை:

*  ஒரு சிறிய கிண்ணத்தில் 2 முட்டையை நன்றாக கலக்க வேண்டும். 

* தோசைக்கல் மிதமான சூட்டில் இருக்கும் போது, நெய் தடவி முட்டையை பரவலாக ஊற்ற வேண்டும். மிதமான தீயில் ஒரு பக்கம் மட்டும் வேக வைத்து சுருட்ட வேண்டும். 

* மாற்று வழிகள் 

1. உப்பு, மிளகுத்தூள் சேர்க்கலாம். 

2. முட்டை கலவையில் உங்களுக்கு விருப்பாமான காய்களை குறைந்த அளவில் கலக்கலாம் 

3. ரோல் செய்யும் முன் காய்கறிக் கலவையோ சிக்கனையோ டிரையாக செய்து வைத்து சுருட்டலாம். 4. குழந்தைகளுக்கு ஏற்ற வகையில் இனிப்பு கலந்து தரலாம்.

இந்த சுவையான,புதுமையான பேலியோ சமையல் குறிப்பினை வழங்கிய "Sumathi Balasundaram" அவர்களுக்கு நன்றி.

பன்னீர் ஆம்லெட்

தேவையான பொருட்கள்: 

தேங்காய் எண்ணெய் - 1 tbsp 

நறுக்கிய சிகப்பு குடை மிளகாய் - பாதி 

நறுக்கிய பிராக்களி(Broccoli) - 3/4 கப் 

நறுக்கிய காளான் - 3/4 கப் ஸ்பினாச் - 1 கப் 

பன்னீர் - 350 gms பால் - 1/4 கப் 

நறுக்கிய பூண்டு - 1 

உப்பு - 1/2 tsp 

மஞ்சள் பொடி - 1/4 tsp 

மிளகு பொடி - 1/8 tsp
 துறுவிய சீஸ் - 1/2 கப்

செய்முறை: 

* ஒரு கடாயில் தேங்காய் எண்ணெய் விட்டு சூடாகவும் மிதமான தீயில் குடை மிளகாய் மற்றும் பிராக்களியை 3 நிமிடங்கள் வதக்கவும். இதனுடன் காளான் சேர்க்கவும்.

* காய்கள் வெந்த பிறகு ஸ்பினாச் சேர்த்து ஒரு நிமிடம் வதக்கி, அடுப்பை அனைத்து ஆற விடவும். மிக்சியில் பன்னீர், பால், பூண்டு, உப்பு, மஞ்சள் பொடி மற்றும் மிளகு பொடி போட்டு நன்கு கலந்து கொள்ளவும். 

* ஒரு தவாவில் எண்ணை விட்டு காய்ந்தவுடன் சிறிதளவு மாவை ஊற்றி சிறு தீயில் வேக விடவும். ஒரு பாதியில் மட்டும் 2 tbsp அளவு சீஸ் மற்றும் சிறிது காய்கறி கலவையை போட்டு மீதி பாதி பகுதியை மடித்து சீஸ் உருகும் வரை வேக விடவும். 

* இதே போல் மீதமுள்ள மாவை, காய்கறி மற்றும் சீஸ் வைத்து ஆம்லெட் ஆக செய்யவும்.

இந்த சுவையான, புதுமையான சமையல் குறிப்பினை வழங்கிய "Subash V Momaya" அவர்களுக்கு நன்றி.

இந்த பதிவினை தமிழாக்கம் செய்து வழங்கிய "Shan Mani" அவர்களுக்கும் நன்றி. 

பேலியோ சைனீஸ் உப்பு முட்டை (ITLOG NA MAALAT பிலிப்பைன் மொழியில்)

தேவையான பொருட்கள்:
முட்டைகள் - 12
5 கப் தண்ணீர்
உப்பு - 1 1/2 கப் அல்லது தேவைக்கேற்ப
சிகப்பு அல்லது பிங்க புட் கலர்
வினிகர் -1 டேபிள்ஸ்பூன்

செய்முறை:
* 5 கப் தண்ணீரை கொதிக்க விடவும். இத்துடன் உப்பை சேர்த்து நன்றாக கரையும் வரை கலந்து ஆற விடவும். பின்பு உப்புத் தண்ணீரை மூடியுடன் உள்ள ஒரு கண்ணாடி அல்லது பிளாஸ்ட்டிக் ஜாரில் மாற்றவும்.
* முட்டைகளில் உப்புத்தண்ணீரில் இடுவதற்க்கு முன்பு உடையாத அல்லது விரிசல் உள்ள முட்டைகளா என்று கவனித்து இடவும். முட்டைகள் நன்றாக உப்பு தண்ணீரில் மிதக்காமல் மூழ்கியிருக்குமாறு பார்த்துக்கொள்ளவும். வேண்டுமென்றால் சிறிய கப்பை ஜாரின் உள்ளில் வைத்து அழுந்தச் செய்யலாம்.
* முட்டைகளை வெளிச்சம் படாதவாறு குளிர்ந்த இருட்டான இடங்களில் 21 நாட்கள் வைக்கவும். பின்பு ஒரு முட்டையை எடுத்து வேகவைத்து போதுமான உப்பு பிடித்திருக்கிறாதா என்று பாரக்கவும். உப்பு அதிகம் தேவையென்றால் இன்னும் இரண்டு, மூன்று நாட்கள் அதிகமாக ஊற விடவும்.
* ஊறியவுடன் தண்ணீரை களைந்து கழுவிக்கொள்ளவும். இதை பிரிட்ஜில் பல மாதங்கள் வரை வைத்துக் கொள்ளலாம். தேவைப்படும் போது எடுத்து வேகவைத்து சாப்பிடலாம் அல்லது எல்லாவற்றையும் வேக வைத்தே பிரிட்ஜில் வைத்துக்கொள்ளலாம்.

இந்த சுவையான,புதுமையான  பேலியோ சமையல் குறிப்பினை வழங்கிய "Abdul Farook" அவர்களுக்கு நன்றி :)

Poached Egg

தேவையான பொருட்கள்:

முட்டை - 2
வினிகர் - 3 ஸ்பூன்
கொஞ்சம் - தண்ணீர்.
பெப்பர் சால்ட் - தேவைக்கு

செய்முறை:
* ஒரு pan- ல் அளவாக தண்ணீர் விட்டு அதில் 3 ஸ்பூன் வினிகர் சேர்த்து காயவிட வேண்டும். தண்ணீர் லைட் ஆக கொதிக்கும் போது முட்டையை மஞ்சள் கரு கலங்காமல் உடைத்து விட்டு , கொதிக்கும் நீரை ஸ்பூனினால் மெல்ல முட்டையின் மேல் பாகம் படும் படி லைட் ஆக தள்ளி விட்டு வேக விட்டு எடுத்து பெப்பர் & சால்ட் சேர்த்து சாப்பிடவும்.
* முட்டையின் வெள்ளை கரு வெந்து மஞ்சள் கரு உள்ளே ஆஃப் பாயில் இருப்பது பார்க்கவும் சாப்பிடவும் செம டேஸ்ட் மற்றும் ஹெல்தி.

இந்த ஆரோக்கியமான, சுவையான பேலியோ சமையல் குறிப்பினை வழங்கிய "சாந்தி ராஜ்" அவர்களுக்கு நன்றி :)

முட்டைக் கறி

தேவையான பொருட்கள்: 
வேகவைத்த முட்டை - 4
பெரிய வெங்காயம்  - 1
தக்காளி -1
வெந்நீரில் நனைத்து எடுத்த வரமிளகாய்   - 5
இஞ்சி - 1 இஞ்ச்
பூண்டு  - 4 பல்
மல்லித்தூள் - 1 டேபுள்ஸ்பூன்
கரம் மசாலா - 1 டீஸ்பூன்
சீரகத்தூள் - 1 டீஸ்பூன்
மஞ்சள் - சிறிதளவு (அதிகம் போட்டால் கறியின் கலர் மாறிவிடும்)
உப்பு - சிறிதளவு
தேங்காய் எண்ணெய்  - 1 டேபுள்ஸ்பூன்
வெண்ணெய்  - 1 டேபுள்ஸ்பூன்
மல்லி இலை

செய்முறை: 
* முட்டையை வேகவைத்து தோலுறித்து வைக்கவும்.
* ஒரு வாணலியில் தேங்காய் எண்ணெய் விட்டு, வெங்காயம் வதக்கவும். வெங்காயம் பாதி வதங்கியதும் இஞ்சி,பூண்டு சேர்த்து வதக்கவும். பின்பு வரமிளகாய் சேர்த்து நன்கு வதக்கவும்.
* இத்துடன் தக்காளியை பெரிய துண்டங்களாக நறுக்கிப்போட்டு வதக்கவும்.
* இக்கலவை ஆறியவுடன் மல்லித்தூள்,கரம் மசாலா,மஞ்சள் தூள் மற்றும் சீரகத்தூள் சேர்த்து நன்கு அரைக்கவும் (கண்  மை போல் அரைக்க வேண்டும்)
* இப்போது அதே வாணலியில் வெண்ணெய் உருக்கி, அரைத்த மசாலா கலவை சேர்த்து சிறிது நேரம் வேகவிடவும்.பின்பு உப்பு சேர்க்கவும்.
* சிறிது தண்ணீர்  சேர்த்துக் கொதிக்க விட்டு, வேகவைத்த முட்டையை 3 புறம் சிறிது கீறி இத்துடன் சேர்க்கவும்.
* மல்லி இலை தூவி பரிமாறவும்.

சமையல் குறிப்பு: Mythili Thiyagu

சுரைக்காய் முட்டை கறி

தேவையானவை:

சுரைக்காய் -சிறியது 1

முட்டை - 3

மிளகாய் போடி - 1/2 spoon

மஞ்சள் போடி -1/2 spoon 

சோம்பு - 1 spoon 

தேங்காய் - 4 சில்லு 

கறி வடகம் - 1/2 spoon

தே .எண்ணை - தேவையான அளவு 

அரைக்க : 

தேங்காய் & சோம்பை சேர்த்து சிறிது நீர் விட்டு அரைத்துகொள்ளவும் .

செய்முறை :

1.சுரைக்காயை தோல் அகற்றி தேங்காய் பல் அளவில் நறுக்கி கொள்ளவும்.

2.எண்ணை சட்டியை அடுப்பில் ஏற்றி சிறிது நீர் விட்டு மிளகாய் போடி ,மஞ்சள் போடி , சிறிது உப்பு சேர்த்து கொதி வந்தவுடன் சுரைக்காயை போடவும் . மிதமான தீயில் வேகவிடவும் .

3.முக்கால் பதத்திற்கு வந்தவுடன் அரைத்த கலவையை சேர்க்கவும் .

4.மற்றொரு பாத்திரத்தில் தே .எண்ணை  ஊற்றி ,அடுப்பில் ஏற்றி காய்ந்தவுடன் கறி வடகத்தை போட்டு 3 முட்டையை உடைத்து ஊற்றவும் . சிறிது உப்பு சேர்த்து போடி மாஸ் பதத்தில் வந்தவுடன் . சுரைக்காய் உடன் சேர்த்து சிறிது நேரம் கிளறி முடிக்கவும்.

குறிப்பு : சுரைக்காய் நீர் காய் என்பதால் வேகவைக்கும் போது அளவாக நீர் வைக்கவும் .

இந்த அருமையான பாரம்பரிய சமையல் குறிப்பினை வழங்கிய "Balaguru kalyanasundaram" அவர்களுக்கு நன்றி :)

ஹெர்பல் ஆம்லேட்

தேவையான பொருட்கள்:
முட்டை - 2
உப்பு - சிறிதளவு
மிளகுத்தூள்  - 1 டீஸ்பூன்
துளசி - 5
திருநீற்றுப் பச்சிலை - 5
தில்  (dill) - சிறிதளவு
லைம் மின்ட் (lime mint)  - 5
இத்தாலியன் துளசி (Italian basil) - 5
chives - சிறிதளவு
கொத்தமல்லி - சிறிதளவு
Oregano/Marjoram - சிறிதளவு
ரோஸ்மேரி - சிறிதளவு
Sage - 2
வெண்ணெய் - 1 டேபிள் ஸ்பூன்

செய்முறை:
* முட்டையை உடைத்து,உப்பு,மிளகுத்தூள் சேர்த்து நன்கு அடித்துக்கொள்ளவும்.
* ஆம்லெட் செய்யும் பாத்திரத்தில்,வெண்ணெய் உருக்கி, அடுப்பினை ஆப்(off) செய்யவும்.
* இப்பொழுது முக்கால் பங்கு அடித்து வைத்த முட்டையினை ஊற்றவும். இதில் அனைத்து ஹெர்பல்களையும் பொடியாக நறுக்கி தூவி, மீதம் உள்ள முட்டையினையும் மெதுவாக ஹெர்பல் மேல் சுற்றியும் ஊற்றவும் (அப்பொழுதுதான் ஹெர்பல் நடுவிலும், சுற்றிலும் முட்டையுமான ஆம்லெட் கிடைக்கும்).
* இப்போது அடுப்பை பற்ற வைத்து சிறு தீயில் முட்டையை வேகவைத்து எடுக்கவும். சூடான ஹெர்பல் ஆம்லெட் ரெடி.

சமையல் குறிப்பு: Mythili Thiyagu

புதுக்கோட்டை ஸ்பெஷல் முட்டை மாஸ்

தேவையான பொருட்கள்:

வேகவைத்த முட்டை 

தேங்காய் எண்ணெய் 

வெங்காயம் 

தக்காளி 

கறிவேப்பிலை 

கரம் மசாலா 

தனியா போடி (கொத்தமல்லி தூள்)

செய்முறை:

* முட்டை வேகவைத்து கொள்ளவும். 

* தேங்காய் எண்ணெய்  அரைவெங்காயம்,தக்காளி,கறிவேப்பிலை வதக்கி, கரம் மசாலா,தனியா பொடி போட்டு கொஞ்சம் தண்ணீர் விட்டு கிரேவி போலாக்கி, முட்டையை போடவேண்டியது தான். ஐந்தே நிமிடத்தில் ஆகிவிடும். 

* கிரேவி நிறையவேண்டுமென்றால், வெங்காயம்,தக்காளி இஞ்சிப்பூண்டு விழுதோடு வதக்கி அரைத்துக்கொள்ளலாம். முட்டை கிரேவியோடு அரைக்காய்ச்சலாய் ஃப்ரெஷ் தக்காளியின் புளிப்பு சேர்கையில் என்னவோ அப்படியொரு சுவை.

இந்த சுவையான சமையல் குறிப்பினை வழங்கிய "Rasanai Sriram"அவர்களுக்கு நன்றி :)

முட்டை மஞ்சூரி

செய்முறை;

* தக்காளி,பூண்டு,இஞ்சி எல்லாத்தையும் மிக்சில கெட்டியா அரைக்கணும். 

* ஒரு தவாவில் எண்ணெய் விட்டு வெங்காயம் காப்சிகம் வதக்குங்க ...நல்லா வணக்கியதும் அந்த தக்காளி பேஸ்ட்,உப்பு போட்டு வதக்குங்க (தக்காளியை லைட்டா வதக்கினால் போதும் ) இப்போ பரி பண்ணி வைத்துள்ள முட்டை கபாப் (http://munnorunavu.blogspot.com/2015/05/blog-post_91.html)  இதனுடன் சேர்த்து சில்லி சாஸ், கரம் மசாலா சேர்த்து 1 நிமிடம் கிளறி விட்டு இறக்கினால் முட்டை மஞ்சூரியன் ரெடி.

* சூடாக சாப்பிட்டால் சுவையாக இருக்கும்..

குறிப்பு; மஞ்சூரியன் சிறிது புளிப்பு சிறிது இனிப்பு கலந்த கலவையாக இருக்கணும்...அதனால தக்காளிய தாராளமாவே சேர்க்கலாம்

இந்த புதுமையான, சுவை நிறைந்த சமையல் குறிப்பினை வழங்கிய "Thirumalai" அவர்களுக்கு நன்றி :)

முட்டை கபாப்

தேவையான பொருட்கள்:

முட்டை-6, வெங்காயம்-1 தக்காளி-2 பூண்டு -4 பல் இஞ்சி-1/4 inch அளவு காப்சிகம் -1

செய்முறை:

* முட்டைகளை உடைத்து உப்பு,மிளகுத்தூள் சேர்த்து நல்ல மிக்ஸ் பண்ணுங்க... 

* அதை microwave ஓவன் ல வச்சு 3 நிமிஷம் சூடு பண்ணினால் (அப்பப்ப கிண்டி விடுங்க) நல்ல கெட்டியா வரும்.இதை பன்னீர் சைஸுக்கு கட் பண்ணிகோங்க.. microwave இல்லைனா இட்லி குக்கரிலும் செய்யலாம்.

* ஒரு பாத்திரத்தில் மிளகாய் பொடி, உப்பு,கரம் மசாலா,மல்லி பொடி,தேங்காய் பொடி,(கொஞ்சமே கொஞ்சமா அரிசி மாவு or கடலை மாவு - ஒரு ஸ்பூனுக்கு மேல் சேர்க்க வேண்டாம்,) சிறிது நீர் சேர்த்து பஜ்ஜி மாவு போல ஆனால் அதைவிட கொஞ்சம் திக் க்கா பண்ணிகோங்க ..

* இப்போது கட் பண்ணி வைத்துள்ள முட்டை மீது இந்த மசாலாவை தடவி, தோசைகல்லில் 2 ஸ்பூன் எண்ணெய் போட்டு fry பண்ணவும்...அவ்ளோ தான் முட்டை கபாப் ரெடி...

* இதை அப்படியே சாப்பிட்டாலும் நல்லா தான் இருக்கும்.. இன்னும் டேஸ்ட்ட சாப்பிடனும்னா மஞ்சூரி பண்ணிக்கலாம்

இந்த புதுமையான, சுவையான சமையல் குறிப்பினை வழங்கிய "Thirumalai"அவர்களுக்கு நன்றி :)

பேகன் வித் முட்டை

செய்முறை: 

* பேகனை சிறிது துண்டங்களாக வெட்டி காடாயில்  வதக்கவும்.
* இப்போது நறுக்கிய வெங்காயம்,பச்சை மிளகாய் சேர்த்து வதக்கவும்  (பாகனில் இருந்து வெளிவரும் கொழுப்பில் வெங்காயம் வதங்கிவிடும்)
* வெங்காயம் வதங்கியதும் 2 முட்டைகளை உடைத்து ஊற்றி,நன்கு  சுருண்டு வரும் வரை வறுத்து இறக்கவும்.

செய்முறை: Mythili Thiyagu

தேங்காய் பால் முட்டை கறி

தேவையான பொருட்கள்:

  வேகவைத்த முட்டை  2,  சீரகம் ஒரு ஸ்பூன் 

               ஒரு மூடி தேங்காய் அரைத்து எடுத்த பால் ..இரண்டு முறை எடுத்து தனி தனியாக வைக்கவும் .

ஓர் வெங்காயம் , நான்கு பல் பூண்டு , ஒரு துண்டு இஞ்சி , பட்டை ஒரு துண்டு , கசகசா ஒரு ஸ்பூன் , பச்சை மிளகாய் இரண்டு ..இவை அனைத்தையும் விழுதாக அரைக்கவும் .

தேங்காய் எண்ணெய்  இரண்டு ஸ்பூன் , நறுக்கிய வெங்காயம் ஒன்று 

செய்முறை:

ஒரு வாணலியில் எண்ணெய் விட்டு காய்ந்தவுடன் அதில் சீரகம் தாளித்து அதில் நறுக்கிய வெங்காயத்தை வதக்கி அதில் அரைத்த மசாலாவை சேர்த்து பச்சை மணம் போகும்வரை வதக்கி பின் அதில் இரண்டாம் தேங்காய் பால் சேர்த்து அதில் வேகவைத்த முட்டை உப்பு சேர்த்து கொதித்தவுடன் அதில் முதலாம் தேங்காய் பால் விட்டு ஒரு நிமிடம் மட்டும் அடுப்பில் வைத்து இறக்கிவிடவும் 

..கொத்தமல்லி தூவி சைட் டிஷ் ஆகவோ அல்லது காலிஃபிளவர் ரைஸ் உடனோ சேர்த்து சாப்பிடலாம்

இந்த சுவையான,அசத்தலான சமையல் குறிப்பினை வழங்கிய "Dolly Bala" அவர்களுக்கு நன்றி :)