Sunday, December 27, 2015

Panner with home made sauce




ஸாஸ் செய்ய தேவையான பொருட்கள்: 
மிகவும் பொடியாக நறுக்கிய வெங்காயம் -  1/4 கப்
வேகவைத்து,தோலுரித்து மசித்த தக்காளி  - 2 கப்  அல்லது வேதிப்பொருட்களின் கலப்படம் இல்லாத தக்காளி பேஸ்ட் - 2 சிறிய டின் 
கீறிய பச்சை மிளகாய் - 4 
பொடியாக நறுக்கிய பூண்டு - 3 பல் 
வரமிளகாய் & பூண்டு பேஸ்ட் - 1 டேபிள் ஸ்பூன் 
கறிவேப்பிலை ( விருப்பம் இருந்தால்) - 4 இலை
மிளகாய் தூள் - 1 டீஸ்பூன் 
கொத்தமல்லி தூள் - 1 டீஸ்பூன் 
கறி மசால் தூள் - 1 டீஸ்பூன் 
மிளகுத் தூள் - 1 டீஸ்பூன் 
உப்பு - தேவையான அளவு 
தேங்காய் எண்ணெய் மற்றும் நெய் - 1 டேபிள் ஸ்பூன் 
வெண்ணை  - 1 ஸ்பூன்  


செய்முறை:
* ஒரு கடாயில் தேங்காய் எண்ணெய் விட்டுக் காய்ந்ததும், பொடியாக நறுக்கிய பூண்டு தாளிக்கவும். இத்துடன் வெங்காயம்,பச்சை மிளகாய், சேர்த்து வதக்கவும்
* சிறிது வதக்கிய பின் வரமிளகாய் & பூண்டு பேஸ்ட் (வரமிளகாயினை சுடுநீரில் 10 நிமிடங்கள் ஊரவைத்து, பூண்டு சேர்த்து கண் மை போல அரைக்கவும்) விழுது சேர்த்து, வாசனை போகும் வரை வதக்கவும்.
* இதில் மிளகாய்த் தூள்,மல்லித்தூள்,கறி மசால் தூள்,மிளகுத் தூள்,உப்பு சேர்த்து வாசனை போகும் வரை வதக்கவும்
* இப்பொழுது வேகவைத்து,தோலுரித்து மசித்த தக்காளி  அல்லது வேதிப்பொருட்களின் கலப்படம் இல்லாத தக்காளி பேஸ்ட் சேர்த்து நன்று கலக்கவும்.
* இதில் உப்புத்தூவி, தண்ணீர் சிறிது சேர்த்து கொதிக்க வைத்து, வெண்ணெய் சேர்த்து இறக்கவும்.


பனீர் வித் சாஸ்:
* ஒரு கடாயில் வெண்ணெய் விட்டுக்காய்ந்ததும், பனீர் துண்டுகளை இருபுறமும் வேக வைக்கவும்.
* இத்துடன் மேலே குறிப்பிட்ட சாஸ் சேர்த்து சிறிது நேரம் வேகவிட்டு இறக்கவும்.

சமையல் குறிப்பு: மைதிலி தியாகு 





Meat ball with home made sauce



தேவையான பொருட்கள்
கிரௌண்ட் மீட் (கொத்துக்கறி) - 1 கப்
  1. பொடியாக நறுக்கிய வெங்காயம்  - 1 

பொடியாக நறுக்கிய பச்சை மிளகாய் - 4 
பொடியாக நறுக்கிய புதினா - 1 ஸ்பூன்  
பொடியாக நறுக்கிய கொத்தமல்லி - 1 ஸ்பூன்
பொடியாக நறுக்கிய கறிவேப்பிலை - 1 ஸ்பூன்
முட்டை - 1 
சோம்பு - 1 ஸ்பூன்
சீரகம் -1 ஸ்பூன்
உப்பு - தேவையான அளவு 

செய்முறை
* தேவையான பொருட்களில் உள்ள அனைத்தையும் நன்றாக பிசைந்து குளிர்சாதன பெட்டியில் 30 நிமிடங்கள் வைக்கவும்.
* ஒரு பாத்திரத்தில் தண்ணீர் கொதிக்கவைக்கவும்.
* கொதிக்கும் நீரில் இந்த மீட் கலவையை சிறு உருண்டைகளாக உருட்டி, மெதுவாகப்போடவும்.
* சிறுதீயில் வைத்து 10 நிமிடங்கள் வேகவிட்டு எடுக்கவும். இதை ஆவியிலும் வேக வைக்கலாம்.

ஸாஸ் செய்ய தேவையான பொருட்கள்: 
மிகவும் பொடியாக நறுக்கிய வெங்காயம் -  1/4 கப்
வேகவைத்து,தோலுரித்து மசித்த தக்காளி  - 2 கப்  அல்லது வேதிப்பொருட்களின் கலப்படம் இல்லாத தக்காளி பேஸ்ட் - 2 சிறிய டின் 
கீறிய பச்சை மிளகாய் - 4 
பொடியாக நறுக்கிய பூண்டு - 3 பல் 
வரமிளகாய் & பூண்டு பேஸ்ட் - 1 டேபிள் ஸ்பூன் 
கறிவேப்பிலை ( விருப்பம் இருந்தால்) - 4 இலை
மிளகாய் தூள் - 1 டீஸ்பூன் 
கொத்தமல்லி தூள் - 1 டீஸ்பூன் 
கறி மசால் தூள் - 1 டீஸ்பூன் 
மிளகுத் தூள் - 1 டீஸ்பூன் 
உப்பு - தேவையான அளவு 
தேங்காய் எண்ணெய் மற்றும் நெய் - 1 டேபிள் ஸ்பூன் 

வெண்ணை  - 1 ஸ்பூன்  

செய்முறை:
* ஒரு கடாயில் தேங்காய் எண்ணெய் விட்டுக் காய்ந்ததும், பொடியாக நறுக்கிய பூண்டு தாளிக்கவும். இத்துடன் வெங்காயம்,பச்சை மிளகாய், சேர்த்து வதக்கவும். 
* சிறிது வதக்கிய பின் வரமிளகாய் & பூண்டு பேஸ்ட் (வரமிளகாயினை சுடுநீரில் 10 நிமிடங்கள் ஊரவைத்து, பூண்டு சேர்த்து கண் மை போல அரைக்கவும்) விழுது சேர்த்து, வாசனை போகும் வரை வதக்கவும்.
* இதில் மிளகாய்த் தூள்,மல்லித்தூள்,கறி மசால் தூள்,மிளகுத் தூள்,உப்பு சேர்த்து வாசனை போகும் வரை வதக்கவும். 
* இப்பொழுது வேகவைத்து,தோலுரித்து மசித்த தக்காளி  அல்லது வேதிப்பொருட்களின் கலப்படம் இல்லாத தக்காளி பேஸ்ட் சேர்த்து நன்று கலக்கவும்.
* இதில் உப்புத்தூவி, தண்ணீர் சிறிது சேர்த்து கொதிக்க வைத்து, வெண்ணெய் சேர்த்து இறக்கவும்.

சமையல் குறிப்பு: மைதிலி தியாகு 



பேலியோ பால் திரட்டு




செய்முறை:

* ஒரு லிட்டர் பால் திரட்டு கிடைக்க சுமார் ஆறு லிட்டர் பால் வாங்கிக்கொள்ளவும். செய்யும் முறை சிம்பிள் என்றாலும் பாலுக்கு எருமையும் திரட்டுக்கு பொறுமையும் நேரமும் தேவை. குக்கர் அல்லது தடிமனான கடாய் போல நல்ல கனமான பாத்திரத்தை எடுத்துக்கொள்ளவும், அதில் பாலை நிரப்பி நல்ல சாலிட் பதம் வரும் வரை தேவுடு காக்கவும். பால் பொங்கி வரவும் அடி பிடித்து கொள்ளவும் அபாயம் இருப்பதால் மிகுந்த கவனத்தோடு அவ்வப்போது கரண்டி வைத்து கலக்கிக்கொண்டே இருக்கவும்.


* இந்த இனிப்பை நல்ல முறையில் முடித்து துணைவியுடன் தின்ப நிகழ்வு ஆவதும் அல்லது துன்ப நிகழ்வு ஆவதும் உங்கள் கையில், எனவே கரண்டியை வைத்து பாத்திரத்தில் சுரண்டிக்கொண்டே இருக்கவும்.

* நேரத்தை சேமிக்க பாலை இரு பாத்திரங்களில் செய்தால் விரைவாக முடிக்கலாம். இதை செய்ய எனக்கு மூன்று மணி நேரம் பிடித்தது, சுவையும் பிடித்தது,அடி மட்டும் பிடிக்கவில்லை. பாலுக்கு பிறக்கும் போதே சுகர் இருப்பதால் மேலும் போடத்தேவையில்லை.

* இதில் சிக்ஸ் லிட்டர் பால் சிங்கிள் லிட்டர் ஆவதால் கலோரி அதிகம், பல-வாய் தின்னாமல் அளவாய் சாப்பிடவும்.பொறுமை இல்லாதவர்கள் கடையில் கண்டெண்ஸ்டு மில்க் வாங்கி குடிக்கலாமா என்று கமெண்டில் கமற வேண்டாம்.எல்லாம் வல்ல பேலியோ பெருமான்கள் பாலையும், பன்னீரையும் பேலியோ அலவ்ட் லிஸ்டில் சேர்த்த மாதிரி இதையும் எப்போதாவது சேர்த்துக்கொல்ல சீ…சேர்த்துக்கொள்ள அருள் புரிய வேண்டும்.

அனைவருக்கும் திரட்டுப்பால் கொடுக்க முடியாததால், அன்-பால் அனைவருக்கும் தீபாவளி நல்வாழ்த்துக்கள்.




இந்த சுவையான, பாரம்பரிய பேலியோ சமையல் குறிப்பினை வழங்கிய "Vasan Bangalore " அவர்களுக்கு நன்றி.

பேலியோ மிளகாய் பொடி



தேவையான பொருட்கள்:

1. பிளக்ஸ் சீட் 100 gram
2. சூரிய காந்தி (sun flower) சீட் 100 gram
3. சிவப்பு மிளகாய் 10 (தேவைகேற்ப உபயோகபடுத்தவும்)
4. பெருங்காயம்
5. நல்லெண்ணெய் 1 கரண்டி
6. தேங்காய் (பிடித்தால் சேர்க்கலாம் )
7. உப்பு

செய்முறை:
வாணலியில் எண்ணெய் விட்டு பிளக்ஸ் சீட் மற்றும் சூரிய காந்தி சீட் சேர்த்து வறுக்கவும் . வெடிக்கும் பொழுது ஒரு தட்டில் கொட்டி விடவும். சிறிது எண்ணெய் சேர்த்து சிவப்பு மிளகாயை வறுக்கவும் . பெருங்காயம் சேர்த்து இறக்கவும் . மிக்சியில் உப்பு சேர்த்து அரைத்தால் பொடி ரெடி .

இந்த அருமையான, புதுமையான பேலியோ சமையல் குறிப்பினை வழங்கிய "Niveditha Hari"அவர்களுக்கு நன்றி. 

எக் க்ரேவி :



தேவையான பொருட்கள் :

முட்டை 3 , சோம்பு , கிராம்பு ,
பச்சை மிளகாய் 1, காய்ந்த மிளகாய் -4,
இஞ்சி , பூண்டு சிறிதளவு ,
வெங்காயம் -1, தக்காளி -1, தேங்காய் 2 துண்டுகள் துருவியது

செய்முறை :
* முட்டைகளை வேக வைக்கவும் . வாணொலியில் நெய் ஊற்றி , மேலே குறிப்பிட்ட பொருட்களை ஒன்றன்பின் ஒன்றாக வதக்கி , பின் விழுதாக அரைத்துக் கொள்ளவும். அரைத்த விழுதை வாணொலியில் சிறிது நெய் விட்டு வதக்கி , நன்கு கொதித்த பின் வேக வைத்த முட்டைகளை பாதியாக வெட்டி , அதில் போட்டு இரண்டு நிமிடங்கள் கழித்து இறக்கவும் . சிறிது கொத்தமல்லி தூவி பரிமாறவும் .

இந்த சுவையான பேலியோ சமையல் குறிப்பினை வழங்கிய "Subha Rajesh"அவர்களுக்கு நன்றி.

காலிஃப்ளவர் சுக்கா:





தேவையான பொருட்கள்;-
காலிஃப்ளவர் – அரைக்கிலோ
மஞ்சள் தூள் – அரை டீஸ்பூன்
உப்பு – தேவைக்கு
எண்ணெய் – 2 டேபிள்ஸ்பூன்
நறுக்கிய வெங்காயம் – 2
இஞ்சி பூண்டு விழுது – 2 டீஸ்பூன்
மிளகாய்த்தூள் – அரை டீஸ்பூன்
சீரகத்தூள் – 1 டீஸ்பூன்
மிளகுத்தூள் – 1 டீஸ்பூன்
மல்லித்தூள் – 2 டீஸ்பூன்
நறுக்கிய மல்லி இலை – ஒரு கைப்பிடி

செய்முறை:
* காலிஃப்ளவரை சிறு சிறு பூக்களாக பிரித்து வைக்கவும்.
கொதிக்க வைத்த நீரில் காலிஃப்ளவர், உப்பு மஞ்சள் தூள் சேர்த்து ஒரு 5 நிமிடம் மூடி வைக்கவும். பின்பு வடிகட்டி விடவும்.
* ஒரு கடாயில் எண்ணெய் சூடு செய்யவும். நறுக்கிய வெங்காயம் போட்டு சிவற விடவும். இஞ்சி பூண்டு சேர்க்கவும்.நன்கு வதக்கவும்.காலிஃப்ளவர் துண்டுகள் சேர்க்கவும்.
* நன்கு பிரட்டி விடவும். மேற்குறிப்பிட்ட மசாலா பொருட்கள் மிளகாய்த்தூள், மிளகு,சீரகத்தூள், மல்லித்தூள் அனைத்தும் சேர்க்கவும். பிரட்டி விட்டி சிறிது தண்ணீர் தெளிக்கவும். மூடி போட்டு 5 நிமிடம் வேக விடவும். அடுப்பை குறைத்து வைக்கவும். உப்பு சிறிது சேர்த்து, சரி பார்க்கவும்.
* மசாலா வாடை நன்கு அடங்கி காலிஃப்ளவர் சுருண்டு வர வேண்டும். நறுக்கிய மல்லி இலை சேர்த்து பிரட்டு விடவும். அடுப்பை அணைக்கவும்.

குறிப்பு: இதே போல் சிக்கன், பனீர் மற்றும் பேலியோ காய்கறிகளில் முயற்சிக்கலாம்.

இந்த சுவையான, புதுமையான சமையல் குறிப்பினை வழங்கிய "Asiya Omar" அவர்களுக்கு நன்றி. 

மீன் வடை






தேவையான பொருட்கள்:

மீன் – 400 கிராம்(சுத்தம் செய்து அலசி தண்ணீர் வடித்தது)
(மஞ்சள் தூள் 1/4 டீஸ்பூன் தேவைக்கு உப்பு போட்டு பிரட்டிய மீனை அவித்து அல்லது சும்மா பாத்திரத்தில் சிறிது தண்ணீர் சேர்த்து வேக வைத்த முள் நீக்கிய மீன் – 2 கப் வரும்
(தண்ணீர் இல்லாமல் புட்டு மாதிரி இருக்க வேண்டும்)
முட்டை – 1
சின்ன வெங்காயம் நறுக்கியது – 1 கையளவு
நறுக்கிய பச்சை மிளகாய் – 2
நறுக்கிய மல்லி இலை – சிறிது.
இஞ்சி பூண்டு பேஸ்ட் – 1 டீஸ்பூன்
மிளகாய்த்தூள், மிளகுத்தூள், சீரகத்தூள், பெருஞ்சீரகதூள்- தலா அரை டீஸ்பூன்
கரம் மசாலா – கால் டீஸ்பூன்
உப்பு – சிறிது
தவா ஃப்ரை செய்ய தேங்காய் எண்ணெய் – 3 - 4 டேபிள்ஸ்பூன் ( தவா ஃப்ரை செய்ய)

செய்முறை:
* ஒரு தட்டில் உதிர்த்த மீனோடு எண்ணெய் தவிர அனைத்து பொருட்களும் சேர்த்து நன்கு கையால் விரவி கொள்ளவும்.
* சிறிய உருண்டையாக பிரித்து லேசாக தட்டி வைக்கவும்.
தவாவில் எண்ணெய் சூடு செய்து தட்டிய வடையை போட்டு இருபுறமும் சிவற பொரித்து எடுக்கவும்.
மீன் வடை ரெடி.
குறிப்பு:
அவித்த மீனில் தண்ணீர் இல்லாமல் இருக்க வேண்டும், இல்லையெனில் தவாவில் பொரிக்கும் பொழுது எண்ணெய் பொங்கும். முட்டை சேர்த்து விரவினால் சிக்கென்று இருக்க வேண்டும்.


இந்த சுவையான பேலியோ சமையல் குறிப்பினை வழங்கிய "Asiya Omar" அவர்களுக்கு நன்றி. 

பேக்ட் காலிஃப்ளவர்:




தேவையான பொருட்கள்:
காலிஃப்ளவர் துண்டுகள் – 3 கப்
ஆலிவ் ஆயில் – 1 +1 டேபிள்ஸ்பூன்
நறுக்கிய வெங்காயம் – 1
தட்டிய பூண்டு பற்கள் - 6
மிளகுத்தூள் –1 - 2 டீஸ்பூன்
எலுமிச்சை ஜூஸ் – 1 டேபிள்ஸ்பூன்
மொசரல்லா அல்லது செடார் சீஸ் – 1/2 -1 கப் ( விருப்பமான அளவு)
விருப்பமான ஹெர்ப்ஸ் ( சீஸ் மேல் தூவ)
உப்பு – தேவைக்கு.


செய்முறை:
* நறுக்கிய காலிஃப்ளவர் துண்டுகளை கொதிக்கும் நீரில் போட்டு மூடி விடவும். அடுப்பை அணைக்கவும். 2 நிமிடம் கழித்து தண்ணீர் வடித்து வைக்கவும்.
* இதனை ஒரு வாணலியில் 2 டீஸ்பூன் ஆலிவ் எண்ணெய் சூடு செய்து, நறுக்கிய வெங்காயம், நறுக்கிய பூண்டு பற்கள் சேர்த்து வதக்கி காளிஃப்ளவர் சேர்த்து சிறிது பிரட்டி உப்பு, மிளகுத்தூள், எலுமிச்சை ஜூஸ் சேர்க்கவும்.பிரட்டி விடவும்.
* ஓவனை முற்சூடு செய்யவும். ஒரு ஓவன் சேஃப் பவுலில் ஆலிவ் எண்ணெயை தடவவும். அதில் வதக்கிய காளிஃப்ளவரை வைக்கவும். துருவிய சீஸ் மேலே தூவவும்.
விரும்பினால் மிக்ஸ்ட் ஹெர்ப்ஸ் மேலே தூவி மீடியம் வெப்பநிலையில் பேக் செய்து எடுக்கவும். மேலே தூவிய சீஸ் உருகி லேசாக சிவற ஆரம்பிக்கும் பொழுது ஓவனை அணைக்கவும்.


இந்த சுவையான பேலியோ சமையல் குறிப்பினை வழங்கிய "Asiya Omar " அவர்களுக்கு நன்றி. 

காரகறி காடை மசாலா/Beef red curry with quail eggs









தேவையான பொருட்கள்:
சிறிதாக நறுக்கிய மாமிசம்
பச்சை மிளகாய்
இஞ்சி பூண்டு paste
தக்காளி paste
வெங்காயம்
மிளகாய் பொடி
Pepper Pwdr
மஞ்சள் தூள்
கரம் மசாலா
உப்பு
நெய்
வேகவைத்த காடை முட்டை

செய்முறை:
* நெய்யில் வெங்காயம், இபூ paste இரண்டையும் வதக்கவும்
* மசாலா powders சேர்த்து வதக்கவும்
* தக்காளி paste, மாமிசம் சேர்த்து சுருள வேகவிடவும்.
* இறக்கும் முன் பச்சை மிளகாய் மற்றும் காடை முட்டைகளை பிரட்டி இறக்கவும்.

இந்த சுவையான சமையல் குறிப்பினை வழங்கிய "Nithi" அவர்களுக்கு நன்றி. 

காலிபிளவர் மலாய் கபாப்





தேவையான பொருட்கள்:

காலிபிளவர் 1 நடுத்தரளவு

பாகம் 1
இஞ்சி பூண்டு விழுது 1 டீஸ்பூன்
எலுமிச்சை சாறு 1 டேபிள்ஸ்பூன்
மிளகுத்தூள் 1/2 டீஸ்பூன்

பாகம் 2
ப்ரெஷ் க்ரீம் 1/4 கப்
தயிர் 1 டேபிள்ஸ்பூன்
பச்சை மிளகாய் கொத்தமல்லிதழை விழுது 1 1/2 டேபிள்ஸ்பூன்
உப்பு தேவைக்கு

செய்முறை:
*காலிபிளவரை நடுத்தர பூக்களாக எடுத்து உப்பு கலந்த வெந்நீரில் 10 நிமிடங்கள் போட்டு நீரை வடிக்கவும்.
*பாகம் 1 ல் கொடுத்துள்ள பொருட்களை காலிபிளவரை கலந்து 1/2 மணிநேரம் ஊறவைக்கவும்.
*பின் பாகம் 2ல் கொடுத்துள்ள பொருட்களை அதனுடன் கலந்து மேலும் 1/2 மணிநேரம் ஊறவைக்கவும்.
*முற்சூடு செய்த அவனில் 210°C ல் 15 நிமிடங்கள் பேக் செய்து எடுக்கவும்.
பி.கு

குறிப்பு: இதே போல் சிக்கன் மற்றும் பனீரில் செய்யலாம்.

இந்த சுவையான, புதுமையான பேலியோ  சமையல் குறிப்பினை வழங்கிய "Menaga Sathia" அவர்களுக்கு நன்றி. 

சில்லி கார்லிக் காலிஃப்ளவர்





தேவையான பொருட்கள்:
காலிஃப்ளவர் - அரைக்கிலோ
மஞ்சள் தூள்
உப்பு.

மசாலா அரைக்க:
பழுத்த மிளகாய் – 3
பூண்டு – 5 – 6 பற்கள்
பெரிய வெங்காயம் – 1
பெரிய தக்காளி – 1
தேவைக்கு – உப்பு சிறிது.
தேங்காய் எண்ணெய் அல்லது ஆலிவ் எண்ணெய் - 1- 2 டேபிள்ஸ்பூன்.

செய்முறை:
காலிஃப்ளவரை சிறிய பூக்களாகப் பிரித்து கொதிக்கும் நீரில்,மஞ்சள் உப்பு போட்டு ஐந்து நிமிடம் மூடி வைக்கவும் .பின்பு வடிகட்டி எடுக்கவும்.
காலிஃப்ளவரை அரைத்த மசாலாவில் பிரட்டி வைக்கவும். விருப்பப்பட்டால் ஒரு துளி ஆரஞ்ச் ரெட் கலர் சேர்க்கலாம்.
கடாயில் எண்ணெய் விட்டு சூடானவுடன் கருவேப்பிலை போடவும், அத்துடன் மசாலா கலந்த காலிஃப்ளவரை சேர்த்து வதக்கவும்.
நன்கு காலிஃப்ளவரில் மசாலா சேர்ந்து பிரட்டினாற் போல் வரவேண்டும் .10 நிமிடம் நேரம் கூட ஆகலாம்.
சுவையான சில்லி கார்லிக் காலிஃப்ளவர் ரெடி.

இந்த சுவையான பேலியோ சமையல் குறிப்பினை வழங்கிய "Asiya Omar" அவர்களுக்கு நன்றி. 

பாலாடை அல்வா (heavy cream halwa)




தேவையான பொருட்கள்:


1) ஹெவி கிரிம்- 1 lit
2) full fat milk or half & half milk - 1 lit
3) குங்கும்ப்பூ


செய்முறை:

அடி கனமான பாத்திரத்தில் ஹெவி கிரிம் மற்றும் half & half milk இரண்டையும் ஊற்றி அடுப்பை மிதமாக வைத்து கிளரவும்

நன்கு கெட்டியாகி சுருண்டு எண்ணை பிரிந்து வரும் தருவாயில் குங்கும்பூ தூவி இறக்கவும்.




இந்த சுவையான, அருமையான பேலியோ உணவின் சமையல் குறிப்பினை வழங்கிய "Nithi" அவர்களுக்கு நன்றி.

ப்ளக்சீட் கோக்கோ மினி கப் கேக்




தேவையான பொருட்கள்:

டார்க் சாக்லேட் 1 இன்ச் சைஸ் 5 பார்
முட்டை - ஒன்று
பட்டர் – இரண்டு மேசைகரண்டி
காபி பவுடர் – அரை தேக்கரண்டி
பைனாப்பிள் எசன்ஸ் – ஒரு துளி ( தேவைப்பட்டால்)
பேக்கிங் பவுடர் – அரை தேக்கரண்டி
கோக்கொ பவுடர் – ஒரு மேசை கரண்டி
தேங்காய் பவுடர் - ஒரு மேசைகரண்டி
ப்ளக்சீட் பவுடர் – இரண்டு மேசைகரண்டி
வால் நட் – பொடியாக அரிந்தது – ஒரு மேசை கரண்டி

செய்முறை:

டார்க் சாக்லேட்டை உருக்கி அத்துடன் பட்டர் சேர்த்த்து நன்கு கலக்கவும்.
முட்டையை சேர்த்து நுரை பொங்க அடித்து பட்டர் சாக்லேட் கலவையுடன் சேர்க்கவும்

ப்ளாக்சீட் பவுடர், கோகோ பவுடர், காபி பவுடர்,பேக்கிங் பவுடர் எல்லாவற்றையும் நன்கு மிக்ஸ் செய்யவும்.

மிக்ஸ் செய்து முட்டை கலவையில் சேர்த்து நன்கு கலக்கவும்.
பொடியாக அரிந்த வால்நட்டை சேர்த்து கலக்வும்.

250 டிகிரி செல்சியத்தில் 20 நிமிடம் முற்சூடு படுத்திய ஓவனில் 20 நிமிடம் பேக் செய்து எடுக்கவும்.

ஓவன், மைக்ரோ வேவ் அவன் இல்லாதவர்கள்.
இதை குக்கரில் கிழே உப்பை தூவி உள்ளே பேக் செய்யும் பாத்திரத்தில் வைத்து மூடி போட்டு விசில் போடாமல் 20 முற்சூடு செய்து விட்டு மேலும் 20 நிமிடம் வைத்து எடுக்கவும்.





கோக்கோ ப்ளக்சீட் மைக்ரோவேவ் கப் கேக் (Paleo Breakfast)

தேவையான பொருட்கள்:
ப்ளாக்சீட் என்பது ஆளிவிதை ( சைவ பேலியோவிற்கு ஏற்றது)
ப்ளக்சீட் கோக்கோ மினி கப் கேக் ( பேலியோ டிபன் அல்லது டின்னர்)
செய்முறை
ஆளி விதை ( ப்ளாக்ஸ் சீட்) பவுடர் - ஒரு மேசைகரண்டி
டார்க் சாக்லேட் – 1 இன்ச் சைஸ் பார் 2 எண்ணிக்கை
பட்டர் – ஒரு மேசைகரண்டி
முட்டை ஒன்று
பேக்கிங் பவுடர் – அரை தேக்கரண்டி
தேங்காய் பவுடர் – ஒரு மேசை கரண்டி
கோகோ பவுடர் - ஒரு தேக்கரண்டி
பால் – சிறிது
பாதாம் - 5 பொடியாக அரிந்தது

செய்முறை

முட்டையை நுரை பொங்க அடித்து வைக்கவும்
டார்க் சாக்லேட்டை உருக்கி அதில் பட்டர் சேர்த்து அடித்து முட்டை, பால் சேர்த்து கிளறவும்.
தேங்காய் பவுடர், ப்ளாக்ஸீட் பவுடர், கோக்கோ பவுடர்,பேக்கிங் பவுடர், சேர்த்து கலக்கவும்.
பொடியாக அரிந்த பாதாம்மை சேர்க்கவும்.
மைக்ரோவில் கப்பில் உருக்கிய பட்டரை தடவி கலவையை ஊற்றி இரண்டு நிமிடம் வைத்து எடுக்கவும்.

கவனிக்க:

ஓவன், மைக்ரோ வேவ் அவன் இல்லாதவர்கள்.
இதை குக்கரில் கிழே உப்பை தூவி உள்ளே பேக் செய்யும் பாத்திரத்தில் வைத்து மூடி போட்டு விசில் போடாமல் 20 முற்சூடு செய்து விட்டு மேலும் 15 நிமிடம் வைத்து எடுக்கவும்.



இந்த அருமையான, சுவையான பேலியோ ரெசிபியினை வழங்கிய "ஜலீலாகமால்" அவர்களுக்கு நன்றி.






Saturday, October 24, 2015

பாஞ்ச் போரன் மிக்ஸட் வெஜ்ஜி ஸ்டிர் ஃப்ரை/Panch Phoron with Stir Fry Vegetables




தேவையான பொருட்கள்:

காய்கறிகள்
காலிப்ளவர்
கோவைக்காய்
புரோக்கோலி
கேரட்
கத்திரிக்காய்
சிவப்பு குடமிளகாய்
எல்லாம் சேர்த்து – அரை கிலோ
உப்பு

தாளிக்க:
நல்லெண்ணை – 2 மேசை கரண்டி
பஞ்ச பூரன் - (கருஞ்சீரகம், சோம்பு, கடுகு, சீரகம், வெந்தயம்) - 1 தேக்கரண்டி
பெருங்காயம் - கால் தேக்கரண்டி
காஞ்ச மிளகாய் – இரண்டு
கருவேப்பிலை – சிறிது
பச்சமிளகாய் – ஒன்று பொடியாக அரிந்தது

செய்முறை:
* காய்கறிகளை அரிந்து கழுவி தண்ணீரை வடித்து வைக்கவும்
தாளிக்க கொடுத்துள்ளவைகளை சேர்த்து கருகாமல் தாளித்து காய்களை சேர்த்து நன்கு வதக்கி தீயின் தனலை குறைவாக வைத்து சிம்மில் அனைத்துகாய்களையும் வேகவிட்டு கடைசியாக சிறிது நெய் விட்டு கிளறி இரக்கவும்.
* கவனிக்க :குஜராத் பெங்காலிகள் சமையலில் இந்த 5 வகை அஞ்சறை பெட்டி பொருட்கள் இல்லாமல் சமையல் கிடையாது. இதை( கருஞ்சீரகம், சோம்பு, கடுகு , சீரகம், வெந்தயம்) சம அளவில் கலந்து வைத்து கொண்டால் காய் வகைகளுக்கு பயன் படுத்தி கொள்ளலாம்.

இந்த சுவையான,ஆரோக்கியமான சமையல் குறிப்பினை வழங்கிய "ஜலீலா கமால்" அவர்களுக்கு நன்றி. 

காலிப்ளவர் தயிர் சாதம்




தேவையான பொருட்கள்:
காலிப்ளவர் – 150 கிராம்
தயிர் – 75 மில்லி
பால் - 50 மில்லி

தாளிக்க
நெய் – 2 தேக்கரண்டி
கடுகு – கால் தேக்கரண்டி
பூண்டு – ஒரு பல் பொடியாக அரிந்தது
பெருங்காயப்பொடி – அரை சிட்டிக்கை
கருவேப்பிலை – சிறிது
முந்திரி – பொடியாக அரிந்தது ஒரு தேக்கரண்டி
பச்ச மிளகாய் – பொடியாக அரிந்தது ஒன்று
இஞ்சி துருவியது – அரைதேக்கரண்டி

செய்முறை:
* காலிப்ளவரை சிறிய பூவாக துருவி , வெண்ணிரை கொதிக்க வைத்து உப்பு சேர்த்து காலிப்ளவரையும் சேர்த்து கொதிக்க விட்டு வெந்து வடிக்கட்டவும்.
* ஒரு வாயகன்ற சட்டியை அடிப்பில் வைத்து அதில் நெய்விட்டு தாளிக்க கொடுத்துள்ளவைகளை சேர்த்து வதக்கி தயிரையும் பாலையும் சேர்த்து தேவைக்கு உப்பு தூவி கொத்தி விட்டு நன்கு கிளறி இரக்கவும்.

இந்த சுவையான, ஆரோக்கியமான பேலியோ சமையல் குறிப்பினை வழங்கிய "Jaleela Kamal" அவர்களுக்கு நன்றி.




எக் கபாப்



தேவையான பொருட்கள்:
முட்டை - 4
ஆச்சி கபாப் மசாலா - 2 தேக்கரண்டி
மிளகாய் தூள் - 1 தேக்கரண்டி
உப்பு - அரை தேக்கரண்டி
தயிர் - ஒரு மேசைகரண்டி
ஆலிவ் ஆயில் (அ) தேங்காய் எண்ணை (அ) நெய் முன்ற தேக்க்ரன்டி

செய்முறை:
* முட்டையை அவித்து இரண்டாக வெட்டி வைக்கவும்.
* தயிரில் சிறிது தண்ணீர் மசாலா வகைகள் அனைத்தையும் சேர்த்து கலந்து வெட்ட்டி வைத்த முட்டையின் இருபுறமும் தடவி வைக்க்க்வும்.
* தவ்வாவில் எண்ணை சூடாக்கி மசாலா தடவிய முட்டையை போட்டு இரண்டு புறமும் நன்கு மசாலா முட்டையில் ஏறும் வரை கருகாமல் பொரித்து எடுக்கவும்.

கவனிக்க: சில நேரம் முட்டையை போட்டதும் வெடிக்க ஆரம்பிக்கவும். ஆகையால் பொரிய விடும் போது முடி போட்டு கொள்ளவும்.

இந்த சுவையான, ஆரோக்கியமான பேலியோ சமையல் குறிப்பினை வழங்கிய "Jaleela Kamal" அவர்களுக்கு நன்றி.


இறால் மசாலா



தேவையான பொருட்கள்:
இறால் - 300 gm
குடை மிளகாய் - பாதி
பெரிய வெங்காயம் - 1
தக்காளி - 1
பூண்டு - 4 பல்
கேரட் - 1
சில்லி பேஸ்ட் - 2 ஸ்பூன் 
கறிவேப்பிலை 
உப்பு
வெண்ணெய் - 1 tsp

செய்முறை:
* கடாயில் வெண்ணெய் சூடு செய்து வெங்காயம் சேர்த்து வதக்கவும்
* இதனுடன் பூண்டு, கறிவேப்பிலை, சில்லி பேஸ்ட், தக்காளி சேர்த்து 5 நிமிடங்கள் வேக விடவும்
* பின்பு இறால், கேரட் சேர்த்து மேலும் 7 நிமிடங்கள் வேக விடவும்

* ஈரப்பதம் இல்லாமல் வெந்த பிறகு கடைசியில் குடை மிளகாய் சேர்த்து கிளறி இறக்கவும். சுவையான இறால் மசாலா ரெடி.

இந்த சுவையான, பாரம்பரிய பேலியோ சமையல் குறிப்பினை வழங்கிய "Sathya Vani" அவர்களுக்கு நன்றி. 

பேலீயோ Egg Wrap






தேவையான பொருட்கள்:
வெண்ணை- 2 டேபிள் ஸ்பூன்
குடை மிளகாய் - 1 பெரியது
வெங்காயம் - 2
காரட்-2
முட்டை- 4
துருவிய சீஸ்- 1/2 கப்
கரம் மசாலா- 1 ஸ்பூன்
சாட் மசாலா - 1/2 ஸ்பூன்
olive - 10
மிளகு தூள்- தேவைக்கு ஏற்ப
உப்பு- தேவைக்கு ஏற்ப

செய்முறை:
* ஒரு வாணலியில் வெண்ணை விட்டு, வெங்காயம் வதக்கி கொள்ளவும்.
* பின்பு காரட், குடை மிளகாய் இரண்டையும் சேர்த்து வதக்கி தேவையான கரம் மசாலா,சாட் மசாலா, உப்பு சேர்த்து கொள்ளவும்.
* காய் வதங்கியதும் ஆலிவ் மற்றும் சீஸ் தூவி கொள்ளவும்.
* ஒரு தோசை கல்லில் இரண்டு முட்டை உடைத்து, மிளகு தூள் தூவி ஆம்லேட் போட்டு கொள்ளவும்.
* ஆம்லேட்ஐ ஒரு தட்டில் வைத்து , வதக்கி வைத்துள்ள காய்கறி கலவையை அதற்குள் வைத்து உருட்டி வைக்கவும்.

சுவையான Egg wrap தயார்..தொட்டு கொள்ள கார சட்னி / சில்லி sauce வைத்து கொள்ளலாம்.

இந்த சுவையான, புதுமையான பேலியோ சமையல் குறிப்பினை வழங்கிய "Vidhya Lakshmi" அவர்களுக்கு நன்றி.

ஸ்டேக்



செய்முறை:

* வாணலியில் நிறைய வெண்ணெயை நிறைய விடவும்
* வெட்டிய ஸ்டேக் துண்டுகளை அதில் போடவும்
* சற்று உயர்வெப்பத்தில் உப்பை தூவி வறுக்கவும்
* ஏழு எட்டு நிமிடங்களில் ஸ்டேக் தயார். ரொம்ப வேகவிடவேண்டாம்... கடிக்கும் பதம் வந்தபின் நான் எடுத்துவிடுவேன்.
*  கருப்பாக எல்லாம் விடுவது கிடையாது. அது இறைச்சியின் சுவையை கெடுப்பது மாதிரி. அதுக்குன்னு ரொம்ப சமைக்காமல் பச்சையாகவும் சாப்பிடவேண்டாம். ஸ்டேக் உள்ள ஜூஸியாகவும் இருக்கணும், சமைக்கபட்டிருக்கவும் வேண்டும். அந்த பதத்தில் டெக்னிக்கா எடுக்கணும்.

அதன்பின் வாணலியில் உள்ள ஆயில், கொழுப்பு எல்லாவற்றையும் ஸ்டேக் துண்டுகள் மேல் ஊற்றவும். பச்சை வெங்காயம் ஒன்றை வெட்டவும். வெங்காயத்தை கடித்துக்கொண்டே ஸ்டேக்கை மெதுவாக ரசித்து உண்ணவும். மசாலா, மிளகாய், பெப்பர் எதுவுமே தேவையில்லாமல் ஸ்டேக்கின் சுவையே தேவாமிருதமாக இருந்தது. வெங்காயமும் கறியும் சேருகையில் பேரானந்தம் சித்திக்கும். ஒருதரம் இப்படி மசாலா இல்லாம வெங்காயத்தை கடிச்சுகிட்டு சாப்பிட்டால் அதன்பின் அந்த பக்கமே போகமாட்டோம்.

பச்சை வெங்காயம் இயற்கையான கொலஸ்டிரால் குறைக்கும் தன்மை உடையது. தினம் 1 கப் ஒயின் சாப்பிட்டால் மாரடைப்பு வராது என்பார்கள். தினம் 1 பச்சை வெங்காயம் சாப்பிடுவது ரெட் ஒயினை எல்லாம் தூக்கி அடிக்கும் சக்தி கொண்ட மாரடைப்பை குணப்படுத்தும் மருந்தாகும். மூலவியாதி இருப்பவர்கள், மூக்கில் ரத்தமா ஒழுகுது என்பவர்களுக்கு இது அருமருந்து. வெங்காயம் வெட்டுகையில் கண்ணீர் வருவதுக்கு காரணம் அதில் உள்ல சல்பைடு. ஆனால் அது நம் ரத்த அழுத்தத்தை சீராக வைத்துக்கொள்ள மிக உதவும். டயபடிஸ் உள்ளவர்களுக்கு வெங்காயத்தில் உள்ள க்ரோமியம் இன்சுலினை நன்றாக சுரக்கவும் உதவி சுகரை கட்டுக்குள் வைத்திருக்கும்.

ஆனால் பச்சை வெங்காயத்தின் இயற்கையான சுவையே அதை உண்டு ரசிக்க போதுமான காரணமாகும். இறைச்சியுடன் சேர்கையில் அது வழங்கும் இயற்கையான சுவைக்கு ஈடாக எந்த மசாலாவும் வருவதில்லை என்பதே உண்மை.

இந்த சுவையான, மூதாதையரின் சமையல் குறிப்பினை வழங்கிய "Neander Selvan" அவர்களுக்கு நன்றி.

மஞ்சள் பூசனி பாலக் தில் கீரை சூப்



தேவையான பொருட்கள்:
மஞ்சள் பூசனி துருவியது 4 மேசைகரண்டி
பாலக் பொடியாக அரிந்த்து – 2 மேசைகரண்டி
தில் கீரை பொடியாக அரிந்தது – 2 மேசைகரண்டி
வெங்காயம் – இரண்டு மேசைகரண்டி
பூண்டு – ஒரு பெரிய பல்
வெள்ளை மிளகு தூள் – அரை தேக்கரண்டி
உப்பு – அரை தேக்கரண்டி ( தேவைக்கு)
பச்சமிளகாய் -1 பொடியாக நருக்கியது
தண்ணீர் – இரண்டரை கப்
பட்டர் – 10 கிராம்

செய்முறை:
* வாயகன்ற சட்டியில் தண்ணீரை கொதிக்கவிடவும்.
* நன்கு கொதிக்க ஆரம்பித்ததும் வெங்காயம், பூண்டு, மஞ்சள் பூசனி, பாலக் , தில் கீரையை சேர்த்து நன்கு கொதிக்கவிடவும்.
* தண்ணீர் அரை கப் அளவிற்கு வற்றட்டும். பிறகு வெள்ளை மிளகு தூள், உப்பு சேர்த்து 1 நிமிடம் கொதிக்கவிட்டு பிளன்டரில் லேசாக ஒரு திருப்பு திருப்பவும். பிறகு சூடான சூப்பில் பட்டரை சேர்த்து பருகவும்.
குறிப்பு: தில் கீரை என்பது அரபுநாடுகளில் அரபிக் சாலடில் பயன்படுத்துவார்கள், இதில் ஓமம் வாசனை அடிக்கும். சூப்பில் சேர்க்கும் போது சுவை அருமையாக இருக்கும்
இந்தியாவில் இந்த கீரை கிடைக்குமான்னு தெரியவில்லை, கிடைக்காதவர்கள் வல்லாரை, மண்தககளி, பொன்னாகன்னி கீரை இது போல் ஏதாவது இருவகைகீரைகளை சேர்த்து கொண்டு சிறிது வறுத்து திரித்த ஓமம் பொடியை சேர்த்து கொள்ளுங்கள்.

இந்த சுவையான, ஆரோக்கியமான பேலியோ சமையல் குறிப்பினை வழங்கிய "ஜலீலா கமால்" அவர்களுக்கு நன்றி. 

தில் கீரை பாலக் முட்டை தோசை



தேவையான பொருட்கள்:
முட்டை – 3
வெங்காயம் – பொடியாக அரிந்தது – 2 மேசைகரண்டி
பச்சமிளகாய் – ஒன்று பொடியாக அரிந்தது
முவர்ண குடமிளகாய் – ஒரு மேசைகரண்டி பொடியாக அரிந்தது
தில் கீரை – இரண்டு மேசைகரண்டி பொடியாக அரிந்தது
பாலக் கீரை – இரண்டு மேசைகரண்டி பொடியாக அரிந்தது
உப்பு – அரை தேக்கரண்டி ( தேவைக்கு)
கருப்பு மிளகு தூள் – அரை தேக்கரண்டி
கார்லிக் பட்டர் – ஒரு மேசைகரண்டி (தேவைக்கு)

செய்முறை:
* முட்டையை நன்கு நுரை பொங்க அடித்து அதில் மேலே கூறப்பட்டுள்ள அனைத்து பொருகளையும் நன்கு முட்டையில் சேர்த்து கலக்கவும்.
* தவ்வாவில் பட்டரை சூடு படுத்தி அதில் ஒரு தோசையாக வோ அல்லது இரண்டு தோசையாக வோ கலக்கிய முட்டையை கருகாமல் பொரித்து எடுக்கவும்.

கவனிக்க
* இதில் தில் கீரைகிடைக்காதவர்கள் , முடக்கத்தான் கீரை அல்லது வல்லாரை கீரையை சேர்த்து கொள்ளுங்கள்.
* கார்லிக் பட்டர் கிடைக்காதவர்கள் பேலியோ எண்ணை , நெய், பட்டர், ஆலிவ் ஆயில் ஏதாவது பயன்படுத்திகொள்ளுங்கள்.

இந்த சுவையான, புதுமையான பேலியோ சமையல் குறிப்பினை வழங்கிய "ஜலீலா கமால்" அவர்களுக்கு நன்றி. 

கோகோனட் சாக்லேட் சிப் குக்கீ




தேவையான பொருட்கள்:
கோகோனட் flour (தேங்காய் மாவு - தேங்காய் பால் எடுத்தவுடன் கிடைக்கும் சக்கையை உலர வைத்து மாவாக பயன்படுத்தலாம் ) - 1/3 கப்
முட்டை - 2
பட்டர்/ தேங்காய் எண்ணெய் - 1/4 கப்
வெண்ணிலா எஸ்சென்ஸ் - 2 ஸ்பூன்
உப்பு - 1/2 ஸ்பூன்
தேன் - 1/2 கப் (completely optional - use only when serving to kids)
பேகிங் பவுடர் - 1 ஸ்பூன்
செமி ச்வீட் டார்க் சாக்லேட் சிப் - 1/3 கப்

செய்முறை:
* மேலே கொடுக்கபட்ட அனைத்தையும் ஒன்றாக கட்டியில்லாமல் கலந்து, சிறு துண்டகளாக தட்டி 350 டிகிரி preheat செய்த அவனில் 20-25 நிமிடங்கள் வைத்து எடுக்கவும்.
* நோட்:
கூடுதல் சுவைக்கு மாவுடன் தேங்காய் துருவல் சிறிது சேர்த்தும் செய்யலாம்
* தேன் கலக்காமலும் உப்பு குக்கீஸ் ஆக செய்யலாம்.
* சாக்லேட் சிப் இனிப்பு இல்லாத டார்க் சாக்லேட் சிப்ஸ் சேர்க்கலாம் (என் பையனுக்காக செய்ததால் தேன்,ஸ்வீட் சிப் சேர்த்தேன் )
* மிக சுலபமான , சுவையான soft cookies இது.கடையில் வாங்கும் biscuits ,snacks பதில் குழந்தைகளுக்கு சத்தான இனிப்பு வகை. airtight container-ல் வைத்து 2 வாரங்கள் வரை பயன் படுத்தலாம்.

இந்த அருமையான மற்றும் குழந்தைகள் விரும்பி உண்ணும் பேலியோ சமையல் குறிப்பினைவழங்கிய "Nithi Jai" அவர்களுக்கு நன்றி.  

அவகாடோ ஸ்மூ(த்)தி






தேவையான பொருட்கள்:
பழுத்த அவகாடோ - 1
100% கோகோ பவுடர் - 2 டீஸ்பூன்
முழுக்கொழுப்பு பால் - 1/2 அல்லது 1 கப்



செய்முறை:
* மேலே கூறிய அனைத்துப் பொருட்களையும் பிளண்டரில் 30 நொடிகள் அரைத்துப் பருகவும்.


இந்த சுவையான, ஆரோக்கியமான பேலியோ சமையல் குறிப்பினை வழங்கிய "Durga Andrew" அவர்களுக்கு நன்றி.




Carrot Almond Milk


தேவையான பொருட்கள்:
ஒரு கப் பாதாம் ...48 மணிநேரம் நீரில் ஊறவைத்து எடுத்தது (100 க்ராம் இருக்கும் )
காரட் இரண்டு சிறியது துருவி எடுக்கவும்
ஏலக்காய் 2 பொடித்தது

செய்முறை: 
* கொஞ்சம் ஊறவைத்த பாதமை எடுத்து மிக சன்னமான துண்டுகளாக வெட்டி வைக்கவும்
* முதலில் ப்ளெண்டரில் ஊறவைத்த பாதாமை நன்றாக விழுமனாக அரைத்து பின் அதில் இரண்டு கப் நீர் சேர்த்து மீண்டும் நன்றாக அரைக்கவும் ..அரைத்த பாதாம் பாலை லேசான துணியில் நன்றாக வடியும் வரை வடித்து எடுக்கவும் .....அதிகம் கசடு இருப்பதில்லை நன்றாக ஊறியதால் ..
* பின் துருவிய காரட் அதே ப்ளெண்டரில் சிறிது பாதாம பால் விட்டு அரைத்து அதை பாதாம் பாலுடன் சேர்த்து லேசாக சூடு செய்து (நான் மைக்ரோ ஓவனில் இரண்டு நிமிடம் வைத்து எடுத்தேன் .) அதில் பொடித்த ஏலக்காய் மற்றும் வெட்டிவைத்த பாதாம் துண்டுகள் சேர்த்து பருகவும் .

இந்த சுவையான, புதுமையான பேலியோ சமையல் குறிப்பினை வழங்கிய அம்மா  "Dolly Bala" அவர்களுக்கு நன்றி. maintanance diet 

கிரில்ட் மிக்ஸட் வெஜ்டேபுள்



தேவையான பொருட்கள்: 
காய் கறிகள்
காலிப்ளவர்
கத்திரிக்காய்
ஜுக்கினி
கேரட்
சிவப்பு குடமிளகாய்
பச்சை குடமிளகாய்
கோவைக்காய்
புடலங்காய்


* எல்லாம் சேர்ந்தது முக்கால் கிலோ
* ஒரு தேக்கரண்டி மிளகாய் தூள், ஒரு தேக்கரண்டி மிளகு தூள், இரண்டு மேசைகரண்டி எலுமிச்சை சாறு, உப்பு ஒரு தேக்கரண்டி, ஆச்சி கபாப் மசாலா ஒரு தேக்கரண்டி., கார்லிக் பட்டர் (அ ) ஆலிவ் ஆயில் 2 மேசைரண்டி

செய்முறை:
* காய் கறிகளை அரிந்து கழுவி மேலே கொடுக்கப்பட்டுள்ள மசலாக்களை சேர்த்து 20 நிமிடம் ஊறவைக்கவும்.
* 300 டிகிரி முற்சூடு படுத்திய ஓவனில் 30 நிமிடம் பேக் செய்து எடுக்கவும்.
* ஓவன் இல்லாதவர்கள் ஒரு நான்ஸ்டிக் தவ்வாவில் குறைவான தீயில் வைத்து வேகவைத்து எடுக்கவும்.
* காய்கறிகள் மேலே உள்ள காய்கள் மற்றும் உங்களுக்கு விருப்பமான காய்களும் சேர்த்துகொள்ளலாம்.


இந்த சுவையான,  ஆரோக்கியமான பேலியோ சமையல் குறிப்பினை வழங்கிய "ஜலீலா கமால்" அவர்களுக்கு நன்றி. 

தம் காலிப்ளவர்



தேவையான பொருட்கள்:
காலிப்ளவர் – கால் கிலோ
மிளகாய் தூள் – ஒரு தேக்கரண்டி
உப்பு – தேவைக்கு

தாளிக்க:
நெய் அல்லது தேங்காய் எண்ணை – இரண்டு ஸ்பூன்
சீரகம் – அரை தேக்கரண்டி
கருவேப்பிலை – சிறிது
பூண்டு – ஒரு பல் பொடியாக அரிந்தது
கரம்மசாலா தூள் – கால் தேக்கரண்டி ( பட்டை, கிராம்பு, ஏலம்)

செய்முறை:
* காலிப்ளவரை பூக்களாக பிரித்து வெண்ணீரில் சிறிது உப்பு சேர்த்து அலசி எடுகக்வும்,.
* ஒரு வாயகன்ற பாத்திரத்தில் தாளிக்க கொடுத்துள்ளவைகளை சேர்த்து தாளித்து காலிப்ளவர் சேர்த்து சிறிது வதக்கி 5 நிமிடம் வேகவிடவும்.
* பிறகு மிளகாய் தூள், உப்பு தூள் சேர்த்து நன்கு வதக்கி சிறிது கரம்மசாலா தூவி கிளறி முடிபோட்டு சிறு தீயில் தம்மில் 10 நிமிடம் வேகவிட்டு இரக்கவும்.

இந்த புதுமையான, சுவையான பேலியோ சமையல் குறிப்பினை வழங்கிய "ஜலீலா கமால்" அவர்களுக்கு நன்றி. 

முட்டை பீசா


தேவையான பொருட்கள்:
5 முட்டைகள்
சிறிது வெங்காயம் (வில்லையாக அரிந்தது)
சிறிது குடைமிளகாய் (நீளவாக்கில் அரிந்தது)
அரை வட்டமாக அறிந்த தக்காளித் துண்டுகள்
வட்டமாய் அரிந்த மிளகாய்த் துண்டுகள்
நெய்/தே. எண்ணெய்/இறைச்சிநெய் வாணலியில் ஒட்டாமல் வருமளவுக்கு
உப்பு, மிளகுத் தூள் சுவைக்கு வேண்டிய மட்டும்
சிறிது ஒலிவ எண்ணெய்
கொஞ்சம் சீஸ் துருவல்

 செய்முறை:
* முட்டைகளை உடைத்து நன்கு கலக்கி ஒரு பக்கம் வைத்துவிடவும். வாணலி விளிம்பு உயரமாக உள்ள வாணலி என்றால் முட்டை நன்கு மொத்தமாக வரும். 
* இளந்தீயில் வாணலியில் நெய் விட்டுப் பரப்பி முட்டையை நடுவில் ஊற்றவும். ஒரே மட்டமாகப் பரவும். முட்டையின் மேற்பரப்பு நீர்மமாக இருக்கையிலேயே எல்லாக் காய்களையும் அதில் பரவலாகப் போடவும். உப்பு மிளகுத் தூள் தூவி இப்போது வாணலியை மூடி போட்டு சிறிது நேரம் வேக விட்டுத் திறக்கவும். சிறிது நேரம் என்பது 60 முதல் 90 வினாடிகள் வரை.நெடு நேரம் விட்டால் உப்பிவிடும். 
* முட்டையின் மேற்பரப்பு வெந்து இறுகிவிட்டது தெரிந்ததும் சீஸ் துருவலைப் பரவலாகத் தூவவும். மீண்டும் மூடி வைத்து சீஸ் உருகும் வரை காத்திருக்கவும். 
* இப்போது தட்டில் எடுத்து மேலே கொஞ்சம் ஒலிவ எண்ணெய் பரவலாக ஊற்றிக் கீற்று போட்டு சூடு ஆறுவதற்குள் விண்டு விண்டு மென்று விழுங்க வேண்டியது தான். கோழிக் கால் தொட்டுக் கொள்வதற்கு.

இந்த சுவையான  மற்றும் ஆரோக்கியமான பேலியோ சமையல் குறிப்பினை வழங்கிய"விஜய் கோபால்சாமி" அவர்களுக்கு நன்றி. 






கிரீன் சிக்கன் டிக்கா


தேவையான பொருட்கள்:
சிக்கன் - 1/2 kg
பச்சை மிளகாய்  - 2
இஞ்சி பூண்டு பேஸ்ட் - 1 ஸ்பூன் 
புதினா - ஒரு கைபிடி
கொத்தமல்லி - சிறிதளவு 
எலுமிச்சை சாறு - பாதி
மஞ்சள் பொடி - 1/2 tsp
நெய் - 2 tsp
உப்பு - தேவையான அளவு

செய்முறை:

* பச்சை மிளகாய், இஞ்சி பூண்டு பேஸ்ட், புதினா, கொத்தமல்லி அனைத்தையும் விழுதாக அரைக்கவும்
* சிக்கனுடன் அரைத்த விழுது, எலுமிச்சை சாறு, மஞ்சள் பொடி, உப்பு சேர்த்து கலந்து 3 முதல் 4 மணி நேரம் குளிர்சாதனப் பெட்டியில் ஊற வைக்கவும்
* ஊறிய சிக்கனை அவனில் கிரில் செய்து எடுக்கவும்
* அவன் இல்லையெனில், பேனில் நெய் விட்டு, மிதமான சூட்டில் சிக்கனை வேக விட்டு எடுக்கவும்
* சுவையான கிரீன் சிக்கன் டிக்கா ரெடி.

இந்த சுவையான, ஆரோக்கியமான பேலியோ சமையல் குறிப்பினை வழங்கிய "Faulin Diana" அவர்களுக்கு நன்றி.

இந்த சமையல் குறிப்பினை தமிழாக்கம் செய்து குடுத்த "Lakshmi Mani" அவர்களுக்கும் நன்றி.







மட்டன் கீமா வடை



தேவையான பொருட்கள்:
மட்டன் கீமா - 150 gm
வெங்காயம் நறுக்கியது - பாதி
இஞ்சி பூண்டு பேஸ்ட் - 1/2 tsp
மஞ்சள் பொடி - 1/2 tsp
பச்சை மிளகாய் - 2
தேங்காய் - 4 பல்(3inches)
கொத்தமல்லி இழை
உப்பு
நெய்

செய்முறை:

* சிறிதளவு தண்ணீரில் மட்டன் கீமா, இஞ்சி பூண்டு, மஞ்சள் பொடி, உப்பு சேர்த்து வேக வைக்கவும்
* கறி மூழ்கும் அளவு தண்ணீர் விட்டால் போதும், அதிகம் தேவையில்லை. தண்ணீர் வற்றும் வரை கறியை வேக விடவும்
* இறங்குவதற்கு 5 நிமிடங்கள் முன்பு பச்சை மிளகாய் சேர்த்து அடுப்பை அனைத்து ஆற விடவும்
* இதனுடன் நறுக்கிய தேங்காய், வெங்காயம், கொத்தமல்லி சேர்த்து வழுவழுப்பாக அரைக்கவும்
* உப்பு தேவைப்பட்டால் சேர்க்கவும்
* தோசை கல்லில் மிதமான சூட்டில் நெய் விட்டு அரைத்த கலவையை சிறிய வடைகளாக தட்டி போடவும்
* ஒரு பக்கம் நன்கு வெந்த பிறகு நெய் விட்டு திருப்பி போட்டு வேக விடவும்

சுவையான மட்டன் கீமா வடை ரெடி.

இந்த சுவையான, பாரம்பரிய சமையல் குறிப்பினை வழங்கிய "Faulin Diana" அவர்களுக்கு நன்றி.

இந்த சமையல் குறிப்பினை தமிழாக்கம்  செய்து குடுத்த "Lakshmi Mani" அவர்களுக்கும் நன்றி. 

Tuesday, September 29, 2015

தக்காளி பேசில் காலிபிளவர் சூப்


தேவையான பொருட்கள்: 
தக்காளி - 4 பழுத்த பழம்
காலிபிளவர் - 1/4 பூ
வெங்காயம்  - 1/2
பேசில் - 1/2 கப்
தேங்காய் பால் - 1 கப்
பச்சை மிளகாய் - 2
பூண்டு  - 3 பல் தட்டியது
வெண்ணெய் - 1 டேபிள் ஸ்பூன்

செய்முறை: 
* ஒரு கடாயில் நறுக்கிய வெங்காயம் சேர்த்து 1 நிமிடம் வதக்கி பின் வெண்ணெய் சேர்க்கவும்.
* இத்துடன் தட்டிய பூண்டு பற்கள்,பச்சை மிளகாய் சேர்த்து சிறுது வதக்கவும்.
* இப்பொழுது நறுக்கிய தக்காளி பழம் சேர்த்து, உப்பு தூவி 3 நிமிடங்கள் வதக்கவும்.
* இதில் நறுக்கிய காலிபிளவர் சேர்த்து வதக்கி  2 கப் தண்ணீர் சேர்த்து மூடிவைத்து வேக வைக்கவும்.
* இந்த தக்காளி,காலிபிளவர் கலவை பாதி வெந்ததும் பேசில் இலைகளை சேர்க்கவும் (சிறிது தனியாக எடுத்துவைக்கவும்).
* நன்கு கொதிவந்ததும் தேங்காய் பால்  சேர்த்து சிறு தீயில் 5 நிமிடங்கள் வைக்கவும்.
* இந்த சூப்பினை அடுப்பில் இருந்து எடுத்து, hand mixer ல் சூப் பதத்திற்கு அடிக்கவும்.
* சிறிது தனியாக எடுத்து வைத்த பேசில் இலைகளைத்துத்  தூவி விடவும்.
* சுவையான தக்காளி பேசில் காலிபிளவர் சூப் ரெடி.

இந்த சுவையான, ஆரோக்கியமான சமையல் குறிப்பினை வழங்கிய "Kavitha Sundar"அவர்களுக்கு நன்றி.

புகைப்படம்: மைதிலி தியாகு




ஸ்டப்டு வெண்டைக்காய்





தேவையான பொருட்கள்:
வெண்டைக்காய் -500கிராம்
வெங்காயம் - 1 பெரியது
 பூண்டு- 4 சிறிய பற்கள்
தேங்காய் - 4 துண்டு
எழுமிச்சை சாறு - பாதி பழம்
மிளகாய் பொடி - 1/2 tsp 
சீரக பொடி - 1/4 tsp 
மஞ்சள் பொடி - 1/2 tsp

செய்முறை:
* வெங்காயம்,பூண்டை அரைத்து கொள்ளவும்
*  தேங்காய் துருவி கொள்ளவும்.
*  ஒரு காடாயில் மிதமான சூட்டில் 1tsp தேங்காய் எண்ணெயில், துறுவிய தேங்காய் மற்றும் தேவையான உப்பு சேர்த்து வதக்கி, மசாலா பொடிகளை உடனடியாக சேர்த்து லேசாக வதக்கவும்
இதனுடன் அரைத்த வெங்காயம்,பூண்டை சேர்த்து ஒரு நிமிடம் வேக விட்டு கடைசியாக எழுமிச்சை சாறு பிழிந்து அடுப்பை அனைத்து விடவும்
தேங்காய் பொன்னிறம் ஆவதற்கு முன் அனைத்தையும் விரைவாக கலந்து இறக்கி விடவும்
வெண்டைக்காயை கழுவி ஈரம் இல்லாமல் துடைத்து ஒரு பக்கம் மட்டும் கீறவும்
வதக்கிய கலவையை வெண்டைக்காய் உடையாமல் ஸ்டப் செய்யவும்
ஒரு காடாயில் ஸ்டப் செய்த வெண்டைக்காய்களை தேவையான அளவு தேங்காய் எண்ணெய் விட்டு வெண்டைக்காய் வேகும் வரை வதக்கி இறக்கவும்.

இந்த அருமையான,ஆரோக்கியமான பேலியோ சமையல் குறிப்பினை வழங்கிய "Faulin Diana" அவர்களுக்கு நன்றி.

தமிழாக்கம்: Lakshmi Mani அவர்களுக்கு நன்றி. 

பாதாம் பிஸ்கட்


தேவையான பொருட்கள்:
பாதாம் மாவு - 1 கப்
வெண்ணெய் - 75 கிராம்
ப்ளக் சீட் எஃக் (2 ஸ்பூன் ப்ளக் சீட்ல் செய்ததுஅல்லது முட்டை - 1
உப்பு - தேவையான அளவு

செய்முறை: 
* முட்டையை அடித்து கொள்ளவும் 
* இதனுடன் வெண்ணையை சேர்த்து நன்கு கலக்கவும்
பாதாம் மாவு, உப்பு சேர்த்து பிசைந்து கொள்ளவும்
பிசைந்த மாவை தேவையான அளவு தடிமனுக்கு தேய்த்து ஃப்ரீசரில் ஒரு மணி நேரம் வைக்கவும்
ஒரு மணி நேரம் கழித்து எடுத்து மாவை சிறு துண்டுகளாக வெட்டவும்
* அவனை 190 டிகிரி சென்டிகிரேடு முற்சூடு செய்யவும். பிஸ்கட்களை ட்ரேயில் வைத்து 15 நிமிடங்கள் பேக் செய்யவும்
* 15 நிமிடங்கள் கழித்து வெளியில் எடுத்து சிறிது நேரம் ஆற விடவும்
* சுவையான பேலியோ பாதாம் பிஸ்கட்கள் தயார்.

இந்த சுவையான, புதுமையான சமையல் குறிப்பினை வழங்கிய "Manikandan Pk" அவர்களுக்கு நன்றி.

தமிழாக்கம்: Lakshmi Mani அவர்களுக்கு நன்றி. 

Mussels கறி



தேவையான பொருட்கள்:
Mussels -250 gms
சிகப்பு, பச்சை குடை மிளகாய் - பாதி அளவு
வெங்காயம் நறுக்கியது - பாதி
தக்காளி - 1
பூண்டு - 7-8 பல்
கேரட் நறுக்கியது - பாதி
மிளகாய் பொடி, சீரக பொடி, உப்பு - தேவைக்கு ஏற்ப
நெய் - 3 tbsp 

செய்முறை:
* சூடான கடாயில் நெய் விட்டு சீரகம், கறிவேப்பிலை, பூண்டு சேர்த்து வதக்கவும்
* வெங்காயம், குடை மிளகாய் சேர்த்து 2 நிமிடம் வதக்கிய பிறகு தக்காளி சேர்க்கவும்
* தக்காளி வெந்த பிறகு மசாலா பொடி, உப்பு மற்றும் Mussels சேர்த்து 5 நிமிடம் வேக விடவும்
* இதனுடன் நறுக்கிய கேரட் சேர்த்து மேலும் 5-7 நிமிடங்கள் வேக விடவும்
* சுவையான ட்ரை Mussels கறி தயார்.

இந்த சுவையான, புதுமையான சமையல் குறிப்பினை வழங்கிய "Sugu Bala" அவர்களுக்கு நன்றி.

தமிழாக்கம்: Lakshmi mani அவர்களுக்கு நன்றி.

கிளியர் முருங்க்கக்காய் சூப்





சிம்பிள் அன்ட் ஈசி சூப்.

தேவையான பொருட்கள்:
முருங்க்க்காய் – 2 இன்ச் சைஸ் 6 துண்டுகள்
பெப்பர் பவுடர் – கால் தேக்கரண்டி
உப்பு தேவைக்கு
பூண்டு – 1 பல் பொடியாக அரிந்த்து.
வெங்காயம் ஒன்று – பொடியாக அரிந்த்து
பட்டர் – 1 தேக்கரண்டி

செய்முறை:
முருங்கக்காயை கழுவி அதில் மிளகு தூள், உப்பு தூள், பூண்டு, வெங்காயம்.
இரண்டு கப் தண்ணீர் ஊற்றி குக்கரில் வேகவைக்கவும் .
நன்கு மசிய வெந்த்தும் அதை நன்கு கரண்டியால் மசித்து குச்சிகளை அகற்றி வடிக்கட்டவும்.
சத்தான சூப் குழந்தைகளுக்கு, டயட்டில் இருப்பவரக்ளுக்கு ,வயதானவர்களுகு மற்றும் நோயாளிகளுக்கு இந்த கிளியர் சூப்பை செய்து கொடுக்கலாம்.
இது ஏற்கனவே நான் செய்து சாப்பிட்ட சூப், இப்போது பேலியோ டயட்டுக்கும் உகந்த்தாக இருக்கிறது. இந்த சூப்புடன் எக் புல்ஸ் ஐ சேர்த்து காலை உணவாக அல்லது இரவு பேலியோ உணவாக சாப்பிடலாம்.

இந்த சுவையான, ஆரோக்கியமான பேலியோ சமையல் குறிப்பினை வழங்கிய "ஜலீலாகமால்" அவர்களுக்கு நன்றி.

ஸ்டஃப்ட் ஒபர்ஜீன்




தேவையான பொருட்கள் & செய்முறை: 

* பெரிய கத்திரிக்காய் , இரண்டாக வெட்டி உள்ளே இருக்கும் பல்ப்(Pulp) ஸ்கூப் செய்து எடுத்து மேல் தோலில் உப்பு ப்ளஸ் சிறிது தேங்காய் எண்ணெய் தடவி பேகிங் ஓவன்ல் பத்து நிமிடம் பேக் செய்யவும்
* ஒரு வாணலியில் சிறிது நெய் விட்டு அதில் நறுக்கிய வெங்காயம் , மற்றும் ஸ்கூப் செய்து எடுத்த பல்ப் , துருவிய பன்னீர் காரத்திர்க்கு தேவையான பச்சை மிளகாய் , கொஞ்சம் கரம் மசாலா மற்றும் உப்பு சேர்த்து நன்றாக வதக்கி வைத்துக் கொள்ளவேண்டும் ..
* பேக் செய்த கத்திரிக்காவில் இந்த ஃபில்லிங் வைத்து மேலே துருவிய சீஸ் சேர்த்து மீண்டும் ஓவன்ல் ஒரு பத்து நிமிடம் பேக் மோட்ல் வைத்து பின் டாப் ப்ரவ்னின் மோட்ல் ஒரு ஐந்து நிமிடம் வைத்து எடுக்கவும் ..
* மைக்ரோ ஓவன்ல கன்வெக்ஷன் மோட்ல் இதை செய்யலாம் ...
இந்த புதுமையான, ஆரோக்கியமான சமையல் குறிப்பினை வழங்கிய அம்மா "Dolly Bala" அவர்களுக்கு நன்றி.

காலிப்ளவர் தக்காளி சாதம்



 தேவையான பொருட்கள்:
காலிப்ளவர் பூ - 200 கிராம்
தேங்காய் எண்ணை - இரண்டு தேக்கரண்டி
கடுகு
கருவேப்பிலை
பூண்டு
முந்திரி - 3 ( தேவைபட்டால்)
பழுத்த தக்காளி 2
சாம்பார் பொடி - ஒருதேக்கரண்டி
உப்பு தேவைக்கு

செய்முறை:
* காலிப்ளவர் பூவை வெண்ணீரை கொதிக்க விட்டு அதில் போட்டு இரண்டு நிமிடம் கழித்து வடிகட்டவும்/
* தாளிக்க கொடுத்துள்ளவைகளை தாளித்து தக்காளியை பொடியாக அரிந்து சேர்த்து சாம்பார் பொடி மற்றும் உப்பு சேர்த்து வதக்கி கூட்டு பதம் ஆகும் வரை வேக விடவும்.
* கடைசியாக வடித்து வைத்த காலிப்ளவரை சேர்த்து நன்கு கிளறி 2 நிமிடம் சிம்மில் வேக விட்டு இரக்கவும்.

இந்த சுவையான, புதுமையான பேலியோ சமையல் குறிப்பினை வழங்கிய Chef "ஜலீலாகமால்" அவர்களுக்கு நன்றி. 

Bulls Eye and Paleo Veg Kanji/ புல்ஸ் ஐ /ஆஃப் பாயில்



செய்முறை:
பேலியோ டயட்டில் முட்டைக்கு தான் முதலிடம் அதை முதல் முதல் எல்லாருமே அவித்து அல்லது புல்ஸ் ஐ போட்டு சாப்பிடுவது எல்லாருக்குமே தெரியும்.

அதுவும் முறையாக பதமாக செய்தால் இன்னும் சுவை கூடும், சப்பிடும் போது மஞ்சள் கரு உடைந்து வேஸ்ட் ஆகாது.முதலில் புல்ஸ் ஐ யை பார்ப்போம்.

தேங்காய் எண்ணை அல்லது நெய் விட்டு தவ்வா சூடு வந்ததும்
முட்டையை தேவைக்கு கலங்காமல் முழுசாக ஒன்றாகவோ, இரண்டாகவோ, மூன்றாகவோ அல்லது நான்காகவோ ஊற்றி விட்டு தீயின் தனலை சற்று குறைவாக வைத்து 2 நிமிடம் வேகவிடுங்கள்.
அடுத்து லேசாக தட்டிய மிளகில் உப்பு கலந்து தூவி விட்டு ஒரு முடி போட்டு 1 நிமிடம் வைத்து அடுப்பை ஆஃப் செய்யவும்.
இப்ப எடுத்தால் மஞ்சள் கரு உடையாமல் வெந்தும் வேகமாலும் அரை பதமாக வெந்து சாப்பிட இலகுவாக இருக்கும்.

குறிப்பு: இதில் இருக்கும் கஞ்சி வெள்ளை வாயு கஞ்சி அரிசியில் செய்வதை பேலியோ காய்களில் செய்துள்ளேன்.

இந்த சுவையான, ஆரோக்கியமான பேலியோ சமையல் குறிப்பினை வழங்கிய Chef"ஜலீலாகமால்"அவர்களுக்கு நன்றி.

பாயில்ட் எக் சாலட்



தேவையான பொருட்கள்:
கீரை - ஒரு கைப்பிடி
லெட்டியுஸ் இலை - ஒரு கைப்பிடி
கேரட், குகும்பர்,தக்காளி - இரண்டு மேசை கரண்டி பொடியாக அரிந்தது
முட்டை கோஸ் - ஒரு மேசைகரண்டி

ட்ரெஸ்ஸிங்:
சால்ட்
வொயிட் பெப்பர் -அரைதேக்கதண்டி
ஒரிகானோ - கால் தேக்கரண்டி
ரோஸ் மேரி - கால் தேக்கரண்டி
லெமன் ஜுஸ் - ஒரு மேசை கரண்டி
ஆலிவ் ஆயில் - ஒரு மேசை கரண்டி

செய்முறை:
* லெட்டியுஸை பொடியாக நீளவாக்கில் அரிந்து கொள்ளவும்.
* ஒரு பவுளில் ட்ரெஸ்சிங்ன்செய்ய வேண்டிய பொருட்களை நன்கு மிக்ஸ் செய்து அனைத்து காய் கிரை    வகைகளை சேர்த்து கலக்கி பிரிட்ஜில் குளிர வைத்து சாப்பிடவும்.
* மேலே சிறிது நட்ஸ் வகைகளை கட் செய்து தூவி கொள்ளவும்.
அவித்த முட்டையுடன் பேலியோ மீல் ரெடி.

இந்த புதுமையான, சுவையான பேலியோ சமையல் குறிப்பினை வழங்கிய "ஜலீலாகமால்" அவர்களுக்கு நன்றி.